રેસિપી / એકદમ સહેલાઈથી ફટાફટ બનાવો ખજૂરના આ સ્પેશિયલ લાડુ, રોજ બાળકોને 1 ખવડાવશો તો વધશે મેમરી પાવર

સામગ્રી

1 કપ ખજૂરના નાના-નાના ટુકડા
ચપટી જાયફળનો પાઉડર
2 ચમચી દેશી ઘી
અડધો કપ બદામના ટુકડા
અડધો કપ કાજુના ટુકડા
1 કપ અખરોટના ટુકડા
4 ચમચી કપ કિસમિસ
4 ચમચી મગજતરીના બીજ
2 ચમચી ખસખસ

રીત

સૌથી પહેલાં એક પેનમાં ઘી ગરમ મૂકી કાજુ, બદામ, અખરોટ સાંતળીને એક ડિશમાં કાઢી લો. હવે એ જ પેનમાં થોડું ઘી લઈ કિસમિસ શેકીને કાઢી લો. પછી તેમાં મગજતરીના બીજ અને ખસખસ ઉમેરીને હળવા રંગની થાય તેવી શેકી લો. આ મિશ્રણને પણ પ્લેટમાં કાઢી લો. હવે પેનમાં 1 ચમચી ઘી લો. તેમાં ખજૂરના ટુકડા ઉમેરીને શેકો. ખજૂર સતત હલાવો. તે સહેજ નરમ પડે એટલે તેમાં  શેકેલા બદામના ટુકડા, કાજુના ટુકડા તેમજ અખરોટના ટુકડા ઉમેરી દો. હવે તેમાં ઘીમાં શેકેલી કિસમિસ, મગજતરીના બીજ અને ખસખસ એડ કરો. બે-ત્રણ મિનિટ સુધી હલાવ્યા બાદ મિશ્રણને પ્લેટમાં લઈ લો. છેલ્લે તેમાં જાયફળનો પાઉડર મિક્સ કરીને લાડુ બનાવી લો. તૈયાર છે હેલ્ધી અને ટેસ્ટી ખજૂર ડ્રાયફ્રૂટ્સના લાડુ.