દુનિયાના કોઇ પણ ખૂણામાં ચલાવો કાર આ રીતે બનાવો ઇન્ટરનેશનલ લાઇસન્સ

વિદેશમાં જો તમે હનીમૂન ફ્રેન્ડ્સ કે ફેમિલી સાથે ફરવા જઇ રહ્યા છો અને વિદેશોમાં લોકલ ફરવા માટે સ્વયં ડ્રાઇવ કરવા માંગો છો તો તેના માટે ઇન્ટરનેશનલ ડ્રાઇવિંગ લાયસન્સ બનાવી શકો છો. ઇન્ડિયન ડ્રાઇવિંગ લાયસન્સ (DL)થી 10 દેશોમાં ડ્રાઇવ કરી શકશો પરંતુ ઇન્ટરનેશનલ ડ્રાઇવિંગ લાયસન્સથી વિદેશમાં ક્યાંય પણ ગાડી ચલાવી શકો છો. ઇન્ટરનેશનલ ડ્રાઇવિંગ લાયસન્સથી અમેરિકા યૂરોપ સહિત સિંગાપુર હોંગકોંગ મલેશિયા શ્રીલંકા જેવા આસપાસના દેશોમાં કાર ડ્રાઇવ કરી શકો છો. આ લાયસન્સની ફી પણ હવે 500 રૂપિયાથી વધીને 1000 રૂપિયા થઇ ગઇ છે. અહીં તમને જણાવી રહ્યા છીએ કે ઇન્ટરનેશનલ ડ્રાઇવિંગ લાયસન્સ કે ઇન્ટરનેશનલ ડ્રાઇવિંગ પરમિટ બનાવવા માટે તમારે શું કરવું પડશે.

કોઇ કરી શકે છે ઇન્ટરનેશનલ ડ્રાઇવિંગ લાયસન્સ માટે અરજી:

- તમારી પાસે વેલિડ ડ્રાઇવિંગ લાયસન્સ હોવું જોઇએ.

- તમારી પાસે વેલિડ પાસપોર્ટ હોવો જોઇએ.

આ ડોક્યુમેન્ટની જરૂર પડશે:

ઇન્ટરનેશનલ ડ્રાઈવિંગ બનાવવા માટે આ ડોક્યુમેન્ટની જરૂરત પડશે. ઇન્ટરનેશનલ ડ્રાઈવિંગ લાઈસન્સ બનાવતા સમયે તમારે આ ડોક્યુમેન્ટ્સની ઓરિજનલ કોપી પણ સાથે રાખવી પડશે.

- ફોર્મ 4A (ઇન્ટરનેશનલ ડ્રાઈવિંગ લાઈસન્સનું અરજી ફોર્મ) આ ફોર્મ ઓફિસ અને ટ્રાન્સપોર્ટ વિભાગની વેબસાઈટ પર ઉપલબ્ધ છે.

- કાયદેસર ડ્રાઈવિંગ લાઈસન્સની અટેસ્ટેડ કોપી

- સરનામાંનો પૂરાવાની અટેસ્ટેડ કોપી

- કાયદેસર પાસપોર્ટની અટેસ્ટેડ કોપી

- કાયદેસર વીઝાની અટેસ્ટેડ કોપી

- એર ટિકિટની કોપી

- પાંચ પાસપોર્ટ સાઈઝના ફોટોગ્રાફ

- મેડિકલ ફોર્મ 1-A આ ફોર્મ ઓફિસ અને ટ્રાન્સપોર્ટ વિભાગની વેબસાઈટ પર ઉપલબ્ધ છે. 

- ભારતીય નાગરિકતાનો પૂરાવો

- ઉંમરના પૂરાવાની અટેસ્ટેડ કોપી

 ફી:

ઇન્ટરનેશનલ ડ્રાઈવિંગ લાઈસન્સ બનાવવા માટે 1000 રૂપિયા ફી આપવી પડશે. આ તમારે તમારા વિસ્તારની લોકલ ટ્રાન્સપોર્ટ ઓફિસમાં જમા કરાવવાની રહેશે. 

કોણ કરે છે ઇશ્યૂ:

ઇન્ટરનેશનલ ડ્રાઇવિંગ લાયસન્સ ઝોનલ ઓફિસ ઇશ્યૂ કરે છે. એટલે કે દરેક રાજ્યના લોકલ ટ્રાન્સપોર્ટ ઓથોરિટી ઇન્ટરનેશનલ ડ્રાઇવિંગ લાયન્સ બનાવે છે.

કેટલા સમય માટે થાય છે ઈશ્યૂ:

ઇન્ટરનેશનલ ડ્રાઈવિંગ લાઈસન્સ એક વર્ષ માટે આપવામાં આવે છે. તમે એક વર્ષના ગાળા માટે તેનો ઉપયોગ કરી શકો છો. સામાન્ય ડ્રાઇવિંગ લાઈસન્સ હવે પાંચ વર્ષ માટે બને છે.

ઇન્ટરનેશનલ ડ્રાઇવિંગ લાઇસન્સની રિન્યુ પ્રોસેસ:

ઇન્ટરનેશનલ ડ્રાઈવિંગ લાઈસન્સ રિન્યુ નથી થતું. વેલિડિટી ખતમ થયા બાદ તમારે ફરીથી ઇન્ટરનેશનલ ડ્રાઈવિંગ લાઈસન્સ માટે અરજી કરવાની હોય છે. 

શું કરવું પડશે:

ઇન્ટરનેશનલ ડ્રાઈવિંગ લાઈસન્સ તમે સમાન્ય લાઈસન્સની જેમ જ બનાવી શકો છો. તેના માટે તમારે બધા ડોક્યુમેન્ટની સાથે લોકલ આરટીઓ ઓફિસમાં જઈને અરજી કરવાની રહેશે. તમારે જરૂરી દસ્તાવેજોની સાથે 1000 રૂપિયા કેશ જમા કરાવવા પડશે. ટ્રાન્સપોર્ટ અધિકારી પેપર્સને ચેક કરશે. યોગ્ય ડોક્યુમેન્ટ હશે તો લાયસન્સ ઇશ્યૂ થઇ જશે. તમારે નક્કી કરેલા દિવસે ટ્રાન્સપોર્ટ ઓફિસ જઇને ઇન્ટરનેશનલ ડ્રાઇવિંગ લાયન્સ કલેક્ટ કરવું પડશે. 

કેટલા દિવસમાં મળે છે ડ્રાઈવિંગ લાઈસન્સ:

ઇન્ટરનેશનલ ડ્રાઈવિંગ લાઈસન્સ કામકાજના સાત દિવસથી લઈને વધુમાં વધુ 30 દિવસમાં મળી જાય છે.