સફેદ વાળ થવાની સમસ્યા આજકાલ શાળામાં ભણતા બાળકોમાં પણ જોવા મળે છે જેની પાછળ પોષણનો અભાવ જવાબદાર છે. ત્યારે જાણીએ કેટલીક સરળ ટિપ્સ જેનાથી વાળ થશે કાળા
નાની ઉંમરમાં વાળ સફેદ થવાની સમસ્યા
ઘરગથ્થુ નુસખાં છે એકદમ ફાયદાકારક
હર્બલ વોટરથી ધુઓ વાળ
જેમ ઉંમર વધતી જાય તેમ શારિરીક તકલીફો વધતી રહે છે. શરીરમાં પૂરતા પ્રમાણમાં પોષણ ન મળવાને કારણે ઘણા લોકોને નાની ઉંમરમાં જ ધોળા વાળ આવી જાય છે. જો યુવાનોના વાળ સફેદ થવા લાગ્યા હોય તો તેના માટે ઘણા કારણો છે જેમ કે અનહેલ્ધી ડાયટ, જીવનશૈલી, વાળ માટે રસાયણયુક્ત ઉત્પાદનોનો ઉપયોગ વગેરે. આ કારણોથી તમારા વાળ ઉંમર પહેલા સફેદ થવા લાગે છે. આવી સ્થિતિમાં, તમે સફેદ વાળની સમસ્યાને દૂર કરવા માટે હર્બલ પાણીનો ઉપયોગ કરી શકો છો, તે તમારા વાળને પોષણ આપશે અને તેને ઘટ્ટ અને કાળા બનાવવામાં પણ મદદ કરશે.
નાળિયેરનું પાણી
તમે તમારા વાળને કાળા કરવા માટે નારિયેળ પાણીનો ઉપયોગ કરી શકો છો. નારિયેળ પાણીમાં એન્ટી-ઓક્સીડેન્ટ જોવા મળે છે, જેના કારણે તે તમારા વાળ અને માથાની ચામડીને ફાયદો કરે છે. ડેમેજ હેર અને સફેદ વાળની સમસ્યાને દૂર કરે છે. વાળને નરમ અને સિલ્કી બનાવવામાં પણ ખૂબ જ ફાયદાકારક છે. નારિયેળના પાણીનો ઉપયોગ કરવો હોય તો પહેલા વાળને શેમ્પૂથી ધોઇ લો. પછી નારિયેળના પાણીથી વાળ ધોવો. આમ કરવાથી તમારા વાળની ખોવાઇ ગયેલી ચમક પાછી આવશે.
અરીઠા અને આંબળાનું પાણી
અરીઠા અને આમળા વાળ માટે અત્યંત ફાયદાકારક માનવામાં આવે છે. તે તમારા વાળને અકાળે સફેદ થતા અટકાવે છે. આ સાથે ડેન્ડ્રફ અને
વાળ ખરવાની સમસ્યાને પણ દૂર કરે છે. તેના ઉપયોગ માટે અરીઠા અને આમળાને આખી રાત પાણીમાં પલાળી રાખો. બીજા દિવસે આ પાણીની મદદથી તમારા વાળ ધોઈ લો, આમ કરવાથી તમારા સફેદ વાળ પણ કાળા થઈ જશે.
ડુંગળીનું પાણી
ડુંગળી તમારા વાળના માત્ર ગ્રોથ નહી કરે પરંતુ તમારા વાળને પણ કાળા થવામાં મદદ કરશે. સૌ પ્રથમ ડુંગળીનો રસ કાઢી લો. તેમાં થોડું પાણી ઉમેરીને તમારા વાળ ધુઓ. વાળ સ્મૂધ અને સિલ્કી બનવાની સાથે સફેદ વાળને પણ કાળા બનાવશે.
બ્લેક ટી
બ્લેક ટી એક હર્બલ ઉપાય છે જે વાળને સફેદ થતા અટકાવે છે. આ માટે તમે એક કપ બ્લેક ટી તૈયાર કરો. હવે પાણીને ગાળીને ઠંડુ થવા દો. શેમ્પૂ કર્યા પછી તમારા વાળમાં કન્ડિશનર તરીકે તેનો ઉપયોગ કરો. આ તમારા વાળને બ્લેક કરવામાં મદદ કરશે.