BIG NEWS / કેટલી તૂટશે કોંગ્રેસ? રિબડીયા બાદ આ નેતાએ છોડ્યો 'પંજાનો સાથ', ઈટાલિયાની હાજરીમાં 'ઝાડું પકડયું' 

• વિધાનસભા ચૂંટણી પહેલા કોંગ્રેસને વધુ એક ફટકો 
• કોંગ્રેસના બાલાસિનોરના નેતા ઉદયસિંહ ચૌહાણે ઉપપ્રમુખ પદેથી રાજીનામું આપ્યું 
• ગોપાલ ઇટાલિયાએ AAPનો ખેસ પહેરાવી ઉદયસિંહ ચૌહાણનું સ્વાગત કર્યું 
• ગઇકાલે વીસાવદરના કોંગ્રેસના ધારાસભ્ય હર્ષદ રીબડિયાએ આપ્યું હતું રાજીનામું 

ગુજરાતમાં વિધાનસભા ચુંટણી પહેલા કોંગ્રેસની મુશ્કેલીમાં સતત વધારો થઈ રહ્યો છે. તેવામાં ગઇકાલે 87-વીસાવદર મતવિસ્તારના કોંગ્રેસના ધારાસભ્ય હર્ષદ રીબડિયાએ  રાજીનામું આપ્યું હતું. જોકે હવે બાલાસિનોરના નેતા ઉદયસિંહ ચૌહાણ કૉંગ્રેસના ઉપપ્રમુખ પદેથી રાજીનામું આપ્યું છે. આ સાથે તેઓ કોંગ્રેસ છોડી ગોપાલ ઇટાલિયાના હસ્તે AAPનો ખેસ પહેરી આપમાં જોડાયા છે. જોકે હવે જોવાનું એ રહે છે કે, ચૂંટણી પહેલા કેટલા નેતાઓ કોંગ્રેસનો સાથ છોડશે ? 

રાજ્યના રાજકારણમાં જેમ જેમ ચૂંટણી નજીક આવી રહી છે તેમ તેમ ગરમાવો આવી રહ્યો છે. કોંગ્રેસના ધારાસભ્યએ પદ પરથી રાજીનામું આપ્યા હવે અન્ય કોંગ્રેસના નેતાએ પણ પક્ષને બાય-બાય કહી દીધું છે. વિગતો મુજબ બાલાસિનોરના કોંગ્રેસના દિગ્ગજ નેતા ઉદયસિંહ ચૌહાણે ઉપપ્રમુખ પદેથી રાજીનામું આપ્યું છે. જો તેઓએ સત્તાવાર રીતે આમ આદમી પાર્ટીનો ખેસ ધારણ કરી લીધો છે.  જોકે ઉદયસિંહ ચૌહાણને પાર્ટીમાં ખેસ પહેરાવી ગોપાલ ઇટાલિયાએ  કહ્યું હતું કે,  મહીસાગરને ખેડામાં તેમના નેતૃત્ત્વથી લાભ મળશે.  

મહિસાગર જિલ્લા કોંગ્રેસના પૂર્વ ઉપાધ્યક્ષ અને ખેડા જિલ્લા પંચાયતના પૂર્વ વિપક્ષનેતા શ્રી ઉદેસિંહ ચૌહાણને આમ આદમી પાર્ટી પરિવારમાં જોડાવા બદલ ખુબ ખુબ અભિનંદન! pic.twitter.com/3yj0HANqQL

— AAP Gujarat | Mission2022 (@AAPGujarat) October 5, 2022

વીસાવદરના ધારાસભ્યએ આપ્યું છે રાજીનામું 

મહત્વનું છે કે, હજી ગઇકાલે સાંજે જ ગુજરાતની 87-વીસાવદર મતવિસ્તારના કોંગ્રેસના ધારાસભ્ય હર્ષદ રીબડિયાએ વિધાનસભા અધ્યક્ષ ડૉ.નીમાબેન આચાર્યના નિવાસસ્થાને ગાંધીનગર ખાતે જઈને  ધારાસભ્યપદેથી રાજીખુશીથી રાજીનામું આપી દીધું છે. વિધાનસભા અધ્યક્ષ ડૉ.નીમાબેન આચાર્યએ એમના રાજીનામાનો સ્વીકાર કર્યો છે. 

શું કહ્યું પૂર્વ ધારાસભ્ય હર્ષદ રીબડિયાએ ? 

હર્ષદ રિબડિયાએ ધારાસભ્ય પદ અને કોંગ્રેસમાંથી રાજીનામું આપ્યા બાદ મોટું નિવેદન આપ્યું છે. તેમણે કોંગ્રેસ પર પ્રહાર કરતાં કહ્યું કે મે ગદ્દારી નથી કરી, કોંગ્રેસ દિશાહિન પક્ષ બની ગયો છે, રાજસ્થાનમાં પણ કોંગ્રેસ તૂટી રહી છે,  ધારાસભ્ય પદની સાથે કોંગ્રેસથી પણ રાજીનામુ આપુ છું. મત વિસ્તારના લોકોને પૂછીને આગળ નિર્ણય જાહેર કરીશ. કોંગ્રેસમાં એકલા હાથે લડવું પડે,ક્યાંય કોઇ મદદ ન મળે અમને, વિધાનસભાની ચૂંટણી ગુજરાતમાં છે, પદયાત્રા દક્ષિણ ભારતમાં યોજે છે. પદયાત્રાની જરૂર ગુજરાતમાં છે. પ્રભારી રાજસ્થાનથી મુકાયા હતા ત્યાં સ્થિતી બગડી. પ્રભારીઓ ગુજરાતથી રાજસ્થાન ચાલ્યા ગયા છે. કોંગ્રેસ સાવ દિશાહીન થઇ ગઇ છે. હું હજુ કોઇ પક્ષ સાથે નથી જોડાયો, મેં ધારાસભ્ય પદેથી રાજીનામુ આપ્યું છે. મારા વિસ્તારના આગેવાન,મતદારને પુછવાનું છે. છેવાડાની વ્યક્તિનો અવાજ બને તે પક્ષ સાથે હું જોડાઇશ. પક્ષ છોડવું તે ગદ્દારી નથી. મારા વિસ્તારના લોકોને પૂછીને નિર્ણય કર્યો છે. આ મારા અંતરઆત્માનો અવાજ છે. 

ભાજપમાં જોડવવાનું પાક્કું, આધિકારીક જાહેરાત બાકી ?

ગુજરાત વિધાનસભા ચૂંટણી પહેલા કોંગ્રેસને મોટો ઝટકો લાગ્યો છે. સૌરાષ્ટ્ર કોંગ્રેસના મોટા નેતા હર્ષદ રિબડીયાએ રાજીનામું આપ્યું છે. વિસાવદર બેઠક પરથી હર્ષદ રિબડીયા કોંગ્રેસની ટિકિટથી લડ્યા હતા.જે બાદ ઘણા સમયથી હર્ષદ રીબડીયા સહિત 6 ધારાસભ્યો કોંગ્રેસ છોડશે તેવી ચર્ચાએ જોર પકડયું હતું. જેમાંથી આજે કોંગ્રેસની એક વિકેટ હર્ષદ રિબડીયા નામની ખરી પડી છે. તે હવે ભાજપમાં જોડાશે તેવી પૂરેપૂરી શક્યતાઓ છે.