તેજસ્વી પ્રસાદ યાદવ 9 નવેમ્બરે રાબડી દેવી અને લાલુ પ્રસાદ યાદવના સૌથી નાના અને નવમા સંતાન છે જેમનો જન્મ 9 નવેમ્બર 1989 ના રોજ થયો હતો. બિહારમાં 2015માં જ્યારે ભાજપ અને નીતિશ કુમાર વચ્ચે તિરાડ પડી હતી ત્યારે નીતિશ કુમારની JDU અને RJD ની વચ્ચે ગઠબંધન થયું હતું.
સૌથી યુવાન વિપક્ષી નેતા અને સૌથી યુવાન નાયબ મુખ્યમંત્રી
લાલુ પ્રસાદ યાદવના સૌથી નાની સંતાન છે તેજસ્વી યાદવ
જો જીત્યા તો બિહારના સૌથી યુવા CM બની શકે છે
આ મહાગઠબંધનમાં કોંગ્રેસ અને બીજા પક્ષો પણ સામેલ હતા. આ સરકારમાં તેજસ્વી યાદવ નાયબ મુખ્યમંત્રી બન્યા હતા અને 2015 થી 2017 સુધી પદ રહ્યા હતા. જેના પછી નીતિશ કુમારે ફરીથી ભાજપ સાથે હાથ મિલાવી લેતા તેમને વિપક્ષમાં બેસવાની ફરજ પડી હતી અને ભારતના સૌથી યુવા વિપક્ષી નેતા બન્યા હતા.
હાલના બધા પોલ્સ બિહારમાં પરિવર્તનની નિશાની સૂચવી રહ્યા છે, બિહારમાં તેજસ્વી યાદવના નેતૃત્વમાં મહાગઠબંધનની સરકાર બનવાના આસાર છે ત્યારે આવો જાણીએ કોણ છે તેજસ્વી યાદવ અને કેવી રહી છે તેમની સફર ...
કઈ રીતે બિહારની રાજનીતિના સ્ટાર બન્યા તેજસ્વી ?
બિહારની રાજનીતિમાં તેમની શરૂઆત ૨૦૧૪ના લોકસભા ઈલેકશન પછી થઈ હતી, તેમણે તેમના પિતા લાલુ પ્રસાદને નીતીશ કુમારની સાથે ગઠબંધન કરવા માટે સમજાવ્યા હતાં, નોંધનીય છે કે બંને પાર્ટીઓનું લોકસભામાં પ્રદર્શન બહુ જ ખરાબ રહ્યું હતું, જેને લઈને બિહારમાં મહાગઠબંધનનો પાયો નંખાયો હતો.
2015ની વિધાનસભા ચૂંટણીમાં તેઓ રાઘોપુરથી ચૂંટણી લડ્યા અને જીતી ગયા, ત્યાર બાદ નાયબ મુખ્યમંત્રી બન્યા, જો કે તેમના મોટા ભાઈ તેજપ્રતાપ યાદવ પણ રાજનીતિમાં સાથે જ આવ્યા હતા, પરંતુ તેઓ માત્ર સ્વાસ્થ્ય મંત્રી બન્યા જ્યારે કે તેજસ્વી નાયબ મુખ્યમંત્રી, આ ગોઠવણ ખુદ લાલુ પ્રસાદ યાદવે જ કરી હતી અને ત્યારથી જ સ્પષ્ટ થઈ ગયું હતું કે લાલુના રાજકીય વારસદાર તેમની સૌથી નાની સંતાન એવા તેજસ્વી જ રહેશે.
અને વાત ૨૦૧૭ ની જ્યારથી બધું બદલાયું...
૨૦૧૭માં જ્યારે કે CBI ને ED એ તેજસ્વી અને તેમના પરિવારની સામે IRCTC માં કૌભાંડ કરવાના કેસમાં તપાસ શરુ કરી ત્યારે નીતીશ કુમારે તક ઝડપી મહાગઠબંધનને અલવિદા કરી દીધું, આ મામલે જો કે તેજસ્વીએ ભાજપ પર મુખ્યમંત્રીને જ હાઈજેક કરી જવાનો અને સરકાર મશીનરીના દુરુપયોગનો આરોપ લગાવ્યો હતો, જો કે તેમને દિલ્હી હાઈકોર્ટમાંથી રાહત મળી હતી કે જે સમયણા તેમના પર આરોપ લગાવાયા કે ત્યારે તેઓ માત્ર 14 વર્ષના જ હતા.
હાલના સમયમાં બિહાર જો કે ભારતનું સૌથી યુવા પૈકીનું એક રાજ્ય છે, રાજ્યની 60 ટકા આબાદી યુવાનોની છે અને તેજસ્વીએ તેમની સભાઓમાં બેરોજગાર અને રોજગારીના મુદ્દાને ખૂબ ગજાવ્યો,અને પહેલી જ કેબિનેટ બેઠકમાં સીધા જ 10 લાખ સરકારી નોકરીઓ જાહેર કરવાનું વચન આપ્યું, અને દરેક મુદ્દા પર ખુલીને લોકોની વચ્ચે ગયા જેનાથી તેમનો જનાધાર વધ્યો છે. આતે જ હાલમાં તેઓ મુખ્યમંત્રી પદની રેસમાં સૌથી આગળ મનાઈ રહ્યા છે.
સૌથી યુવા મુખ્યમંત્રી ?
તેજસ્વીને લઈને જો કે દેશમાં હાલમાં સૌથી યુવા મુખ્યમંત્રીની ચર્ચા ચાલી રહી છે પરંતુ, હસન ફારુખ મારીકર આ પહેલા સૌથી નાની વયે દેશના CM બનવાનો રેકોર્ડ નોંધાવી ચૂક્યા છે, માત્ર 30 વર્ષની વયે તેઓ પોંડીચેરીના CM હતા, જો કે તેજસ્વી 31 વર્ષની વયે બિહારના સૌથી યુવા CM બની શકે છે
જો તેઓ જીત્યા તો તેમના પર તેમના પિતાની જંગલરાજની છબીને સુધારવાના અને કરેલા ચૂંટણી વાયદાઓને પૂરા કરવાના પડકાર જરૂર હશે, પરંતુ આ ચૂંટણીથી એક વાત તો નક્કી થઈ જ ગઈ છે કે તેઓ તેમના પિતાના પ્રભાવથી ભાર પોતાની અલગ ઈમેજ પ્રસ્થાપિત કરવામાં સફળ સાબિત થયા છે.
ક્રિકેટ કરિયર, કારકિર્દીનું એક અલગ પાસું
બહુ ઓછા લોકો જાણે છે કે તેજસ્વી એક ક્રિકેટર પણ હતાં, 13 વર્ષની ઉમરે દિલ્હીની U 15 ટીમમાં સિલેક્ટ થઈને ક્રિકેટ કરિયરની શરૂઆત કરી હતી, જે બાદ U 17 અને U 19 પણ રમ્યા. ૨૦૦૮ થી 2012 સુધી દિલ્હી ડેરડેવિલ્સના ટીમ મેમ્બર રહ્યા પણ એક પણ મેચ રમી ન શક્યા, 2009 માં ઝારખંડ ક્રિકેટ ટીમને જોઈન કરી અને વિજય હજારે, સૈયદ મુશ્તાક અલી જેવી ટ્રોફી પણ રમી ચૂક્યા છે, જો કે 2013માં તેમણે ક્રિકેટને અલવિદા કહી રાજનીતિમાં પદાર્પણ કર્યું હતુ.