અત્યાર સુધી તમે Cute ઢીંગલી, ટેડી બિયર, બિલ્લી અને શ્વાનના બચ્ચાઓની તસ્વીરો જોઇ હશે. પરંતુ આજે અમે તમને એક એવા ઈલેક્ટ્રીક સ્કૂટર અંગે જણાવવા જઇ રહ્યાં છીએ જે જોવામાં ક્યુટ છે. આ સાથે આ સ્કૂટર બાળકોથી લઇને મોટા વડીલો પણ આરામથી ચલાવી શકે છે.
ખૂબ જ ક્યુટ દેખાય છે આ ઈલેક્ટ્રીક સ્કૂટર
બાળકો અથવા વડીલો કોઈ પણ સરળતાથી ચલાવી શકે છે
આ સ્કૂટરમાં એકસ્ટ્રા મટિરિયલનો ઉપયોગ કરાયો નથી
સિમ્પલ છે Hover Electric Scooterની ડિઝાઈન
અંગ્રેજીમાં એક કહેવત છે, Simplicity is the Best Quality, હોવર ઈલેક્ટ્રીક સ્કૂટરની સાથે આ કહેવત ખરેખર બંધ બેસે છે. આ ઈલેક્ટ્રીક સ્કૂટરની ડિઝાઈન ખૂબ સિમ્પલ છે. વધારે તામઝામ નહીં અને વધુ એકસ્ટ્રા મટિરિયલનો ઉપયોગ પણ કરવામાં આવ્યો નથી. એટલું જ નહીં, તેને એ રીતે ડિઝાઈન કરવામાં આવી છે કે 12 વર્ષથી લઇને 18 વર્ષના સગીર બાળકો હોય કે મોટા લોકો બધા તેને સરળતાથી ચલાવી શકે અને તેના પર એકવારમાં 2 લોકો ચલાવી શકે છે. તો તેની લોડ કેપિસિટી પણ 250 કિલોગ્રામ સુધી છે.
સિંગલ ચાર્જમાં જાઓ 110 કિમી સુધી
આ ઈલેક્ટ્રીક સ્કૂટરમાં 60v 25Ahની બેટરી છે, જે સ્કૂટરને સિંગલ ચાર્જમાં 110 કિમી સુધી લઇ જઇ શકે છે. સ્કૂટરને સંપૂર્ણ ચાર્જ થવામાં લગભગ સાડા ત્રણ કલાકનો સમય લાગે છે. બાળકો માટે તેની રાઈડિંગ સુરક્ષિત રાખવા માટે તેની ટોપ-સ્પીડ 25 કિમી પ્રતિ કલાક છે અને તેને ચલાવવા માટે કોઈ પણ પ્રકારના લાયસન્સની જરૂર પડશે નહીં. આ અંદાજે 3 સેકન્ડમાં ટોપ સ્પીડ એક્સીલરેશન લઇ લે છે.