નિવેદન / ભાજપમાં જોડાતા પહેલા ઈ શ્રીધરનને આશા, કેરળમાં CM બનવાની મળશે તક

• રાજ્યપાલ પદ સંભાળવામાં નથી કોઈ રસ
•  રાજ્યમાં પાર્ટીને પોતાની છબી બદલવાનો મોકો મળશે
• પાર્ટીના જીતવા પર શ્રીધરન મુખ્યમંત્રી પદ સંભાળવા તૈયાર છે

 રાજ્યમાં પાર્ટીને પોતાની છબી બદલવાનો મોકો મળશે

ભાજપમાં જોડાવાના નિર્ણયની સાથે રાજનીતિમાં પગલુ માંડવા જઈ શકે છે ઈ શ્રીધરન. તેમને આશા છે કે ભાજપ તેમને કેરળ વિધાનસભાની ચૂંટણીમાં સીએમના ઉમેદવાર તરીકે રજૂ કરશે. તેમણે કહ્યું કે પાર્ટીને કેરળમાં નવો ચહેરો મળશે અને રાજ્યમાં પાર્ટીને પોતાની છબી બદલવાનો મોકો મળશે.

પાર્ટીના જીતવા પર તે મુખ્યમંત્રી પદ સંભાળવા તૈયાર છે

આ પહેલા ગુરુવારે 88 વર્ષીય એન્જિનિયરે કહ્યું હતું કે તેમનું મુખ્ય લક્ષ્ય કેરળમાં પાર્ટીને સત્તામાં લાવવાનું છે અને પાર્ટીના જીતવા પર તે મુખ્યમંત્રી પદ સંભાળવા તૈયાર છે. તેમણે કહ્યું કે જો ભાજપને આ વર્ષે એપ્રિલ - મેમાં થનારી ચૂંટણીમાં જીત મળે છે તો તેનું ધ્યાન મોટા સ્તર પર આધારભૂત સંરચનાનો વિકાસ કરવો અને રાજ્યને દેવાના જાળમાંથી મુક્ત કરવાનો છે.

 ભાજપને એક નવો ચહેરો અને નવી છબી મળશે

મેટ્રો મેનના નામથી જાણીતા અને આધારભૂત ઢાંચા સાથે જોડાયેલી પરિયોજનાના નિર્માણમાં પોતાની કુશળતા બતાવી ચૂકેલા શ્રીધરને એક ન્યૂઝ ચેનલ સાથે વાત કરતા જણાવ્યું કે ભાજપે અત્યાર સુધી ક્યારેય સીએમનો ચહેરો નથી ઉતાર્યો. મને આશા છે કે ભાજપ મારી સામે સીએમ પદનો પ્રસ્તાવ લઈને આવશે. ત્યારે ભાજપને એક નવો ચહેરો અને નવી છબી મળશે. મને લાગે  છે કે મારા ભાજપમાં સામિલ થવાથી પાર્ટીની અંદર આત્મવિશ્વાસ વધશે અને લોકો વધારેમાં વધારે સંખ્યામાં ભાજપને મતદાન કરશે.

રાજ્યપાલ પદ સંભાળવામાં નથી કોઈ રસ

શ્રીધરને સ્પષ્ટ કરી દીધુ કે રાજ્યપાલ પદ સંભાળવામાં તેમને કોઈ રસ નથી. તેમણે કહ્યું કે જેમની પાસે સંપૂર્ણ સંવિધાનિક પદ છે તેમની પાસે કોઈ શક્તિ નથી અને તેઓ આવા પદ પર રહીને રાજ્યના વિકાસ માટે કોઈ યોગદાન નહીં આપી શકે. તેમણે કહ્યું કે મારો મુખ્ય હેતુ ભાજપને કેરળમાં સત્તા પર લાવવાનો છે. જો ભાજપ કેરળમાં ચૂંટણી જીતે છે તો 3-4 એવા વિસ્તાર હશે જેના પર અમે ધ્યાન કેન્દ્રીત કરવા ઈચ્છીએ છીએ. જેમાં મોટા સ્તર પર આધારભૂત સંરચનાનો વિકાસ અને રાજ્યમાં ઉદ્યોગોને લાવવાનું સામેલ છે.