સંયુક્ત આરબ અમીરાતના અવકાશયાન હોપે મંગળ ગ્રહની કક્ષામાં પ્રવેશ કરીને ઈતિહાસ રચ્યો છે.
હોપે મંગળની ઘણી તસવીરો પૃથ્વી પર મોકલાવી
તસવીરોમાં મંગળના ઉત્તર ધ્રૂવ અને સૌથી મોટા જ્વાળામુખી ઓલંપસ મૂન્સ પણ દેખાઈ રહ્યાં છે.
રાતા ગ્રહની આ તસીવર ક્રાઉન પ્રિન્સ શેખ મોહમ્મદ બિન જાયદ અલ નાહયાને ટ્વિટર પર શેર કરી
હોપે મંગળની ઘણી તસવીરો પૃથ્વી પર મોકલાવી છે. યુએઈની નેશનલ સ્પેસ એજન્સીએ એક નિવેદન જારી કરીને જણાવ્યું કે હોપે મંગળ ગ્રહની વિહંગમ તસવીરો ખેંચી છે જેમાં મંગળ ગ્રહની સપાટી પરથી સૂર્યના ચમકતા કિરણો દેખાઈ રહ્યાં છે. તસવીરોમાં મંગળના ઉત્તર ધ્રૂવ અને સૌથી મોટા જ્વાળામુખી ઓલંપસ મૂન્સ પણ દેખાઈ રહ્યાં છે. રાતા ગ્રહની આ તસીવર ક્રાઉન પ્રિન્સ શેખ મોહમ્મદ બિન જાયદ અલ નાહયાને ટ્વિટર પર શેર કરી છે.
રાતા ગ્રહ પર પહોંચનાર યુએઈ પાંચમો દેશ બન્યો
યુએઈના અવકાશયાન હોપ પ્રોબે મંગળ પર પહોંચીને એક સિગ્નલ મોકલ્યું હતું. હોપ પ્રોબના મંગળ ગ્રહ પર સફળતાપૂર્ણક ઉતરાણની સાથે યુએઈ રાતા ગ્રહ પર પહોંચનાર પાંચમો દેશ બની ગયો છે.
મંગળ ગ્રહ સુધી પહોંચવા માટે હોપે 48 હજાર કિલોમીટરનું અંતર કાપ્યું છે. અભ્યાસ દરમિયાન હોપ મંગળનો પહેલો ગ્લોબલ વેધર મેપ તૈયાર કરીને પૃથ્વી પર મોકલી આપશે.
હોપ અવકાશયાન રાતા પર ગ્રહ પર શું-શું કરશે
- મંગળની સિઝન અને તેના નીચેના વાતાવરણમાં મોસમની ઘટનાઓ જેવી કે ધૂળભરેલી આંધી વગેરેનો અભ્યાસ કરશે.
- મંગળના વાતાવરણમાં હાઈડ્રોજન અને ઓક્સિજનની શોધ કરશે
- પહેલો ગ્લોબલ વેધર મેપ તૈયાર કરીને પૃથ્વી પર મોકલી આપશે.
ઉલ્લેખનીય છે કે 19 જુલાઈએ હોપને મંગળ તરફ મોકલવામાં આવ્યું હતું અને તે 30 કરોડ કિલોમીટરનું અંતર કાપીને સફળતાપૂર્વક મંગળ પર ઉતરી ચૂક્યું છે.