ભારે કરી! / ખાતામાં બોનસ આવતા ખુશ હતા કર્મચારીઓ, કંપનીએ કહ્યું- પાછા આપો નહીંતર...સેલેરી કપાઈ જશે

• તગડુ બોનસ મેળવીને ખુશ હતા કર્મચારીઓ
• કંપનીએ કર્મચારીઓને મોકલ્યો મેેમો
• બોનસ પાછુ આપવાની આપવામાં આવી સુચના

જાપાની ઑટોમેકર કંપનીએ કર્મચારીઓ પાસેથી બોનસ પાછું માંગ્યુ

કોઈ પણ કર્મચારીઓમાં બોનસને લઇને ખાસ્સો ઉત્સાહ રહે છે અને તે બોનસની રાહ જોતા હોય છે. પરંતુ વિચારો કે તેમને સારું બોનસ મળી જાય અને ખુશી મનાવતા પહેલા કંપની પૈસા પાછા માંગવા લાગે તો તેની શુ હાલત થશે. આમ જ કઈક થયુ છે જાપાની ઑટોમેકર કંપની હોન્ડાના કર્મચારીઓની સાથે. કંપનીએ પહેલા તેમને બોનસ આપીને ખુશ કર્યા અને હવે તેેમને પૈસા પાછા આપવાનો આદેેશ આપ્યો. આવો જાણીએ શું છે સમગ્ર મામલો. 

ખાતામાં જમા કર્યુ વધારાનુ બોનસ 

હોન્ડાના જે કર્મચારીઓને આ મોટો ઝટકો લાગ્યો છે, અમેરિકાના ઓહિયો રાજ્યના મેરિસવિલે શહેરમાં રહેલ કંપનીની ફેકટરીમાં કામ કરે છે. કંપનીએ હાલમાં કર્મચારીઓને એક મેમો મોકલ્યો છે. જેમાં કહેવામાં આવ્યું છે કે તમને ઓવરપેડ બોનસ મોકલવામાં આવ્યું છે અને મોટાભાગની રકમને પાછી આપવી પડશે. એટલેેકે આ કર્મચારીઓને જેટલુ બોનસ મળ્યું હતુ, તેનાથી વધુ રકમ તેમના ખાતામાં જમા કરી દેવામાં આવી છે. 

કંપનીએ કર્મચારીઓને આપી સુચના

એક મીડિયા રિપોર્ટમાં NBC4ના હવાલા પરથી કહેવામાં આવ્યું છે કે આ મેમો મળ્યાં બાદ હોન્ડાની આ ફેક્ટરીમાં કામ કરનારા કર્મચારીઓ અસમંજસમાં છે. હોન્ડા તરફથી કર્મચારીઓને કડક સુચના આપતા કહેવામાં આવ્યું છે કે તેમને આ ઓવરપેડ બોનસ ટૂંક સમયમાં પાછુ આપવુ પડશે. જો કર્મચારીઓ આ મેેમોની અવગણના કરે છે અથવા પછી તેનો જવાબ આપતા નથી તો આ સ્થિતિમાં તેમને મળતા માસિક પગારમાંથી બોનસની મોટાભાગની રકમ ઑટોમેેટિક કટ થશે.