લાંબા, ઘાટ્ટા અને શાઈની વાળ બધાંને ગમે પણ ઘણાના વાળ બહુ જ ખરાબ હોય છે. ઘણી બધી ટ્રીટમેન્ટ અને ઉપાયો કરવા છતાં વાળ સારાં થતાં નથી, એમાંય નાની ઉંમરમાં સફેદ વાળની સમસ્યા પણ ખૂબ જ વધી ગઈ છે. ખરાબ ડાયટ અને પોલ્યૂશનને કારણે વાળ પર બહુ જ ખરાબ અસર થાય છે. જેથી આજે અમે તમને એવા હેઅર પેક વિશે જણાવીશું જેને લગાવવાથી વાળ એકદમ શાઈની, સિલ્કી અને ભરાવદાર બને છે.
વાળ બનશે મજબૂત
આમ તો સફેદ વાળ છુપાવવા માટે લોકો ડાઈ અને કલરનો ઉપયોગ કરે છે પણ સૌથી બેસ્ટ મેંદી છે. તેનાથી વાળ મજબૂત બને છે અને શાઈની પણ બને છે. પણ મેંદીમાં કેટલીક વસ્તુઓ મિક્સ કરવી ખૂબ જ જરૂરી છે. તેનાથી વાળની સમસ્યાઓ પણ દૂર થાય છે.
હર્બલ હેઅર પેક બનાવવાની રીત
100 ગ્રામ હર્બલ મેંદી
1 કપ ચાનું પાણી
1 લીંબુનો રસ
અડધો કપ દહીં
1 કપ બીટનો રસ
2 એગ વાઈટ
આ રીતે બનાવો
ઉપર જણાવેલી તમામ વસ્તુઓ એક વાસણમાં લઈને બધુ બરાબર મિક્સ કરી લો. જરૂર પડે તો પેસ્ટ બનાવવા માટે થોડું પાણી પણ મિક્સ કરી શકો છો. પછી સ્કેલ્પમાં આ પેસ્ટ લગાવો. 1 કલાક રાખીને વાળ ધોઈ લો. સપ્તાહ 1 વાર આ હેઅર પેક લગાવો. આનાથી વાળ મજબૂત, શાઈની અને બ્રાઉન થશે.