ફાયદાકારક / ચહેરા પર આ જગ્યાએ વાળ સફેદ થઈ રહ્યાં હોય તો તરત જ આ 4 ઉપાય શરૂ કરી દો, નહીં વધે આ સમસ્યા

• ઘણાં લોકોને નાની ઉંમરમાં આઈબ્રોના વાળ સફેદ થવા લાગે છે
• આ 4 નુસખાથી  નેચરલી કાળા કરો વાળ
• જલ્દીથી ધ્યાન આપશો તો નહીં વધે આ સમસ્યા

આજકાલ પોતાની બ્યૂટીને લઈને માત્ર મહિલાઓ જ નહીં પણ પુરૂષો પણ સજાગ થઈ ગયા છે. દરેકની ઈચ્છા હોય છે કે તેઓ સારાં અને પ્રેઝન્ટેબલ દેખાય. એવામાં આજકાલની ફાસ્ટ લાઈફસ્ટાઈલ અને ડેઈલી લાઈફની કેટલીક ભૂલોને કારણે નાની ઉંમરમાં જ ન થવાની સમસ્યાઓ થવા લાગી છે. જેમાંથી એક છે આઈબ્રોના વાળ સફેદ થવા. મહિલાઓ અને પુરૂષો બંનેમાં આ સમસ્યા જોવા મળે છે. 

આ કારણો હોઈ શકે છે

ઘણીવાર પોષણની કમી, ઉંઘ પૂરી ન થવી, ઈલેક્ટ્રિક ગેજેસ્ટનો વધુ ઉપયોગ, સ્ટ્રેસ, ચિંતા, મેકઅપનો વધુ પડતો ઉપયોગ, હોર્મોનલ સમસ્યા જેવા ઘણાં કારણોથી આઈબ્રોના વાળ સફેદ થવા લાગે છે. તો જો એકપણ વાળ સફેદ દેખાય તો આ ઉપાય કરવાનું શરૂ કરી દો. તમે સફેદ વાળ ન હોય તો પણ આ ઉપાય પહેલાંથી જ કરીને આઈબ્રોના વાળ સફેદ થતાં રોકી શકો છો. 

આ રીતે આઈબ્રોના વાળ નેચરલી કાળા કરો

ડુંગળીનો રસ

ડુંગળીનો રસ વાળનો ગ્રોથ વધારવામાં મદદ કરે છે. જેથી રોજ એકવાર આઈબ્રો પર ડુંગળીનો રસ અવશ્ય લગાવો. પછી 15 મિનિટ રાખીને ધોઈ લો. આનાથી આછી આઈબ્રો ઘટ્ટ થશે અને સાથે જ આઈબ્રોના સફેદ વાળ નેચરલી કાળા થવા લાગશે. 

ઓલિવ ઓઈલ

રોજ રાતે સૂતા પહેલાં ઓલિવ ઓઈલથી આઈબ્રોની મસાજ કરો. સવારે ધોઈ લો. આ ઉપાય કરવાથી આઈબ્રોના વાળ સફેદ નહીં થાય. તમે આની જગ્યાએ કેસ્ટર ઓઈલ (દીવેલ) પર લગાવી શકો છો. 

કાચું દૂધ

રોજ દિવસમાં એકવાર તમારી આઈબ્રો પર કાચું દૂધ લગાવો. અડધો કલાક રાખી ધોઈ લો. આનાથી આઈબ્રોના વાળ નેચરલી કાળા થવા લાગશે. 

નારિયેળનું તેલ

રોજ દિવસમાં 2 વાર સહેજ નારિયેળનું તેલ આઈબ્રો પર લગાવો અને મસાજ કરો. આનાથી આઈબ્રોના વાળ સફેદ નહીં થાય.