ફાયદાકારક / રોજ સાંજ પડે માથાનો દુખાવો શરૂ થઈ જાય છે? તો ગભરાવો નહીં આ 4 દેશી ઉપચાર દૂર કરી દેશે

• ઘણાં લોકોને સાંજ પડે માથાનો દુખાવો થાય છે
• આ સમસ્યામાં બેદરકારી કરવી નહીં
• આ 5 દેશી ઉપાય મટાડી દેશે

આખા દિવસની ભાગદોડ અને કામના ભારને કારણે ઘણાં લોકો સાંજે માથાનો દુખાવો થતો હોય છે. આજના સમયમાં લોકોને ટેન્શનની સમસ્યા વધુ થાય છે. આ સિવાય લોકોને થાક પણ વધુ રહે છે. જેના કારણે આ સમસ્યા થાય છે. અન્ય કારણોથી પણ આવું થઈ શકે છે. જેમાં લોકો ઘણી અલગ-અલગ દવાઓ ખાતાં હોય છે. જેનાથી સ્વાસ્થ્ય પર પણ ખરાબ અસર થાય છે. તેની જગ્યાએ તમે ઘરેલૂ ઉપાયો અપનાવી શકો છો. 

આ ઉપાય અપનાવો

સૂંઠની પેસ્ટ

શિયાળામાં માથાનો દુખાવો મોટાભાગના લોકોને થાય છે. તેના માટે સૂંઠનો પાઉડર બહુ જ ફાયદાકારક છે. તેના માટે સૂંઠના પાઉડરને પાણીમાં મિક્સ કરી તેનો લેપ માથા પર લગાવો. તેનાથી દુખાવામાં આરામ મળશે.

લવિંગ અને મીઠાનું મિશ્રણ

માથાના દુખાવાની સમસ્યામાં માટે મીઠામાં લવિંગનો પાઉડર મિક્સ કરીને દૂધમાં પા ચમચી મિક્સ કરીને પીવો.તેનાથી ઝડપથી માથાનો દુખાવો દૂર થશે. 

લીંબુ અને ગરમ પાણી

જો તમારી પાસે સમય ના હોય તો અચાનક માથાનો દુખાવો ઉપડે તો ફટાફટ 1 ગ્લાસ પાણીમાં 1 ચમચી લીંબુનો રસ મિક્સ કરો અને પી લો. દર્દમાં રાહત મળશે. પેટમાં ગેસની સમસ્યામાં પણ રાહત મળે છે. 

તુલસી અને આદુ

તુલસી અને આદુનો ઉપાય પણ સાંજે થતાં માથાના દુખાવામાં બહુ જ ફાયદાકારક છે. તેના માટે તુલસી અને આદુને સાથે પીસીને તેનો રસ કાઢી તેને માથા પર લગાવો. તેનાથી રાહત મળશે.