હોળીનો તહેવાર રંગોનો તહેવાર ગણવામાં આવે છે પરંતુ તમને જાણીને નવાઈ લાગશે કે ઝારખંડના જમશેદપુરમાં અલગ જ રીતે હોળીનો તહેવાર ઉજવવામાં આવે છે. અહીં ઢોલ નગારાના તાલ સાથે ફક્ત પાણીથી જ હોળી રમવામાં આવે છે. અહીં રંગોનો જરા પણ ઉપયોગ કરવામાં આવતો નથી. જો ભૂલથી પણ કોઈ વ્યક્તિ રંગોથી હોળી રમે છે તો તેને સજાના ભાગ રૂપે લગ્ન કરાવી દેવામાં આવે છે.
ઝારખંડમાં આ ખાસ રીતે રમાય છે હોળી
ફક્ત પાણીના ઉપયોગથી જ રમાય છે હોળી
રંગોથી રમવા માટે મળે છે લગ્નની સજા
હોળી રંગોનો તહેવાર છે પણ ઝારખંડના જમશેદપુરમાં આદિવાસી બહુલ વિસ્તારમાં અલગ જ રીતે હોળીની ઉજવણી કરવામાં આવે છે. આ આદિવાસીઓમાં પરંપરા છે કે તેઓ ફક્ત પાણીથી જ હોળી રમે છે. તહેવારમાં રંગોને કોઈ સ્થાન હોતું નથી.
રંગોથી હોળી રમવા માટે મળે છે આ સજા
આદિવાસી બહુલ સમાજના લોકોનું માનવું છે કે જો કોઈ યુવક કે યુવતી રંગોથી હોળી રમે છે અથવા કોઈ પણ એકમેક પર રંગ લગાવે છે તો તેઓએ લગ્ન કરવા પડે છે. આ કારણ છે કે અહીંના લોકો રંગોથી હોળી રમચા નથી. આ સમુદાયમાં આ પ્રથા વર્ષોથી ચાલતી આવી રહી છે. વર્ષોથી અહીં રંગોથી હોળી રમાઈ નથી.
અહીં આ ખાસ રીતે રમાય છે હોળી
હોળી સમયે અહીં ઢોલ નગારા વગાડવામાં આવે છે. યુવક યુવતીઓ નાચે છે, ગાય છે અને એકમેક પર પાણી નાંખે છે. રંગોથી તેઓ દૂર રહેવામાં માને છે. અહીંના આદિવાસી હોળીના થોડા દિવસો પહેલેથી જ હોળી રમવાનું શરૂ કરે છે. અહીં રાતભર લોકો એકમેક પર પાણી નાંખીને હોળી રમે છે અને સાથે જ પારંપારિક વેશભૂષા પણ પહેરે છે.