હિટ એન્ડ રન / ભાવનગરમાં માતાજીનાં દર્શન કરી પરત ફરતા બાળકોને કારચાલકે કચડ્યાં, બેના કરૂણ મોત

• સિહોરના ટાણા ગામે હિટ એન્ડ રનની ઘટના 
• હિટ એન્ડ રનમાં 2 બાળકોના નિપજ્યા મોત
• પોલીસે ઘટના સ્થળે પહોંચી તપાસ હાથ ધરી

અવાર નવાર અકસ્માતની ઘટના સામે આવે છે ત્યારે ભાવનગરમાં હિટ એન્ડ રનની ઘટના સામે આવી છે જેમાં માતાજીના દર્શને કરી પરત ફરતા બે બાળકોનું કરુણ મોત નિપજ્યું છે જ્યારે 3થી વધુ લોકો ઈજાગ્રસ્ત થતા તેમને સારવાર અર્થે ખસેડવામાં આવ્યા છે. 

કાર ચાલકે દર્શન કરી પરત ફરતા બાળકોને કચડ્યા 

સિહોરના ટાણા ગામે બેફાન બનેલા કાર ચાલકે હિટ એન્ડ રન કર્યો હતો જેમાં બે માસુમ બાળકોના મોત નિપજ્યા છે ત્યારે કાર ચાલકે અકસ્માત સર્જી ભાગવાની કોસિશ કરતા સ્થાનિકો દ્વારા તેને ઝડપી પાડવામાં આવ્યો હતો જે બાદ સમગ્ર મામલે પોલીસને જાણ કરતા પોલીસ આરોપીની ધરપકડ કરી આગળની કાર્યવાહી હાથ ધરી છે. 

ઇજાગ્રસ્તોને સારવાર અર્થે હોસ્પિટલ ખસેડાયા 

મહત્વનું છે કે  થોડા દિવસ અગાઉ પણ ભાવનગરના લોલીય બ્રીજ પાસે અકસ્માતની ઘટના સામે આવી હતી જેમાં અજાણ્યા વાહને બાઈક પર સવાર લોકોએ અડફેટે લેતા પતિ પત્ની, અને પુત્રનું મોત નિપજ્યું હતું જ્યારે એક બાળકીને ગંભીર ઈજા પહોંચતા સારવાર અર્થે ખસેડવામાં આવી હતી. ત્યારે ભાવનગરમાં વધુ એક હિન એન્ડ રનની ઘટના સામે આવી છે જેમાં દર્શન કરી પરત ફરતા બાળકોએ બેફામ બનેલા કાર ચાલકે કચડી દેતા તેમનું ઘટના સ્થળે જ મોત નિપજ્યું છે. જ્યારે 3 કરતા વધુ લોકોને ઈજા પહોંચતા સારવાર અર્થે ખસેડવામાં આવ્યા છે. જોકે સમગ્ર મામલે આરોપીની ઝડપી પાડી પોલીસે આગળની કાર્યવાહી હાથ ધરી છે.