Delhi High Court Latest News : દિલ્હી હાઈકોર્ટેની ટિપ્પણી, જાહેરમાં પતિને નપુંસક કહેવો અથવા શારીરિક સંબંધો વિશે વાત કરવી એ માનસિક ક્રૂરતા
Share
Delhi High Court : દિલ્હી હાઈકોર્ટે છૂટાછેડા સાથે જોડાયેલા એક કેસમાં મહત્વની ટિપ્પણી કરી છે. કોર્ટનું કહેવું છે કે, જાહેરમાં પતિને નપુંસક કહેવો અથવા શારીરિક સંબંધો વિશે વાત કરવી એ માનસિક ક્રૂરતા છે. પતિનો આરોપ છે કે, પત્ની ચીડિયા સ્વભાવની હતી અને નાની નાની બાબતોમાં ઝઘડો કરતી હતી. તેણે એમ પણ કહ્યું કે, તે ખૂબ જ અભદ્ર રીતે વાત કરતી હતી.
જસ્ટિસ સુરેશ કુમાર કૈત અને જસ્ટિસ નીના બંસલ કૃષ્ણાની બેંચ પતિ વતી દાખલ કરવામાં આવેલી અપીલની સુનાવણી કરી રહી હતી. કોર્ટે હિંદુ મેરેજ એક્ટ 1955 હેઠળ પત્નીની ક્રૂરતાના આધારે પતિને છૂટાછેડા અનુમતિ આપી હતી. ફેમિલી કોર્ટે પતિની છૂટાછેડાની અરજી ફગાવી દીધી હતી. આ પછી તેણે હાઈકોર્ટમાં અપીલ દાખલ કરી હતી.
File Photo
કોર્ટે કહ્યું કે, અમે આ નિષ્કર્ષ પર પહોંચ્યા છીએ કે પત્ની તરફથી પતિનું દરેકની સામે અપમાન કરવું અને તેને નપુંસક કહેવું અને પરિવારના સભ્યોની સામે સેક્સ્યુઅલ લાઈફ વિશે ખુલ્લેઆમ વાત કરવી તેને અપમાનજનક કૃત્ય કહી શકાય. જેના કારણે અપીલકર્તાને માનસિક ક્રૂરતાનો સામનો કરવો પડ્યો હતો. વિગતો મુજબ બંનેએ વર્ષ 2011માં લગ્ન કર્યા હતા.
લાઈવ લોના રિપોર્ટ અનુસાર બે વખત IVF પ્રક્રિયામાંથી પસાર થયા પછી પણ બંને સંતાન પ્રાપ્ત કરી શક્યા ન હતા જેના કારણે મતભેદો શરૂ થયા હતા. પતિનો આરોપ છે કે, પત્ની સતત તેને નપુંસક કહીને બધાની સામે તેનું અપમાન કરતી હતી. કોર્ટે કહ્યું કે, આના કારણે પતિને જે જાહેર અપમાન સહન કરવું પડ્યું તેને અવગણી શકાય નહીં.
