આવી ગયું Heroનું જોરદાર બાઇક ડીઝલ અને બેટરી બંનેથી ચલાવો

દેશની જાણીતી બાઇક નિર્માતા કંપની હીરો જલ્દીથી એક એવું બાઇક લઇને આવી રહી છે જે ડીઝલથી ચાલે છે અને જરૂર પડવા પર જનરેટર પણ બની જાય છે. જી હાં આ સાથે જ બાઇકને બેટરીથી પણ ચલાવી શકાય છે. જાણો કેવી હશે આ બાઇક અને કેવા હશે એના ફીચર્સ. 

Heroનું આ બાઇક પહેલું એવું હશે જેમાં ડીઝલ એન્જીનની સાથે ઇલેક્ટ્રિક બેટરી પણ આપવામાં આવશે. હાલમાં હીરો આ બાઇક પર કામ કરી રહ્યું છે. મળતી જાણકારી અનુસાર આ બાઇકને નવેમ્બર 2019માં લોન્ચ કરવામાં આવશે. હીરોએ આ બાઇકને સૌથી પહેલા 2014માં રજૂ કર્યું હતું. આ બાઇક નિર્માણ પ્રોજેક્ટને આરએનટીનું નામ આપ્યું છે. હાલ કંપનીએ એને લોન્ચ કરવા માટે કોઇ સત્તાવાર નિવેદન આપ્યું નથી. મળતી માહિતી અનુસાર આ બાઇર વર્ષ 2018ના અંત સુધીમાં લોન્ચ કરી દેવામાં આવશે. 

આ બાઇકમાં 150 સીસીનું લિક્વિડ કૂલ્ડ ટર્બો ચાર્જ્ડ એન્જીન આપવામાં આવશે. દમદાર બેટરી આપવામાં આવશે જેને ઓપ્શનલ ટર્બોચાર્જરની મદદથી એને ચાર્જ કરવામાં આવશે. આ બાઇકમાં ડીઝલ અને બેટરીથી ચલાવવા માટે અલગ અલગ વિકલ્પ આપવામાં આવશે. 

ફીચર્સની વાત કરવામાં આવે તો આ બાઇકમાં ફુટબોર્ડ મલ્ટીયૂઝ ફોલ્ડિંગ સાઇડ રેક ફ્લેટ લોડિંગ સરફેસ સારી સીટ એલઇડી લેમ્પ અને 6 લીટરની ફ્યૂલ ટેક જેવા ફીચર્સ આપવામાં આવે છે. આ બાઇકને તમે જનરેટર તરીકે પણ ઉપયોગ કરી શકો છો. વધારે સ્પીડની વાત કરવામાં આવે તો આ બાઇકને 70 Km પ્રતિ કલાકની સ્પીડથી દોડાવી શકાય છે. માઇલેજની વાત કરીએ તો આ બાઇકને એક વખત ફુલ ચાર્જ કરીને અને ફુલ ફ્યૂલની સાથે 340 કિમી સુધી ચલાવવામાં આવી શકે છે. એની કિંમત લગભગ 65 થી 85 રૂપિયા સુધી હોઇ શકે છે.