દેશનો દરેક નાગરિક પોતાના શરીરનું ધ્યાન રાખી શકે અને રોગનો પ્રતિકાર કરી શકે તે માટે અત્યારે જીવન જરુરિયાતની વસ્તુઓ પણ સરળતાથી ઉપલબ્ધ થઇ રહી છે. ઇમ્યુનિટી વધારવા માટે તમે પ્રોપર ડાયેટ પ્લાન કરી શકો છો. અત્યારે તમારા શરીરને, પેટ અને મસલ્સને સાચવવા તમારી પહેલી પ્રાયોરિટી હોવી જોઇએ. રોગપ્રતિકારક શક્તિ વધારવા માટે મસલ્સ બ્રેકડાઉન ન થાય તેમ જ ઇન્ટેન્સ્ટાઇનની કાર્યક્ષમતામાં વધારો થાય તે પ્રમાણે ડાયેટ પ્લાન કરો.
કબજિયાત. પેટમાં દુખાવો, એસિડીટી, ગેસ વગેરે બિલકુલ ન થવા જોઇએ. શરીરને નિરોગી તેમજ કાર્યશીલ રાખવા વિટામીન્સ, પ્રોટીન, મિનરલ્સ, ઝિંક, આયર્ન, ફેટી એસિડ જેવા જુદા જુદા પોષકતત્વોની જરુર પડે છે. આ બધુ આપણને રોજ બરોજની રસોઇમાં સરળતાથી મળી રહેશે.
પ્રોટીન મેળવવા માટે ડ્રાયફ્રુટ્સ, ડેરી પ્રોડક્ટ્સ, કોબી, ગાજર જેવા શાકભાજી, ઇડલી ઢોસા અને ઢોકળા જેવા ફર્મેન્ટેડ ફુડનો આહારમાં સમાવેશ કરો.
ફ્લાવર, બ્રોકલી, ભીંડા, કોબીજ, પાલક અને અવાકાડોને પણ આહારમાં સમાવો તેમાથી એન્ટીઓક્સિડન્ટ મળશે.
બહારના વાતાવરણમાં અત્યારે ખુબ રોગચાળો છે તેથી રોજ એક વાટકી દહીં ખાવુ ખુબ જરુરી છે. દહીં પ્રો બાયોટિક છે. તેને રુમ ટેમ્પરેચરમાં રાખીને ખાવ જેથી શરદી ન થાય.
ડ્રાયફ્રુટ્સ, નારિયેળ, જુદા જુદા ફળોના બી, વરિયાળી, શિંગ વગેરે ફેટી એસિડનો મુખ્ય સ્ત્રોત છે. નારિયેળનો એક ટુકડો રોજ ખાવો જોઇએ. મુખવાસની જેમ સીડ્સ ચાવીને ખાવ.
ઇમ્યુનિટી વધારવા વિટામીન એ અને સી ખુબ મહત્ત્વના છે. દુધ, દહીં, પાલક અને ગાજરમાંથી વિટામીન એ મળે છે. કેળાં, સંતરા, ચીકુ જેની છાલ કાઢીને ખાઇ શકો તેમાંથી વિટામીન સી મળે છે. આ સિવાય લીંબુનો મહત્તમ ઉપયોગ કરો.
ઝિંક અ સિલેનિયમ જેવા મિનરલ્સ પણ વિટામીનની જેમ ખુબ જરુરી છે. ડ્રાયફ્રુટ્સ અને પનીરમાંથી આ બંને સહેલાઇથી પ્રાપ્ત થાય છે.
એક્સર્સાઇઝ, મેડિટેશન અને બેલેન્સ ડાયેટ એકબીજાના કો-રિલેટેડ છે. સારામાં સારો આહાર લો, પરંતુ શરીરને માત્ર આરામ આપવાની જરુર નથી. તેને કસવુ પણ પડશે.
જે ખાઓ છો શરીરમાં તેનો વપરાશ પણ થવો જોઇએ. હલનચલન નહીં થાય તો તમારા શરીરની કાર્યક્ષમતા ઘટી જશે. શરીરને કોઇ પણ રીતે એક્ટિવ રાખો. ઘરમાં કરી શકાય તેવી એક્સર્સાઇઝ ચાલુ રાખો.