તમે ડુપ્લીકેટ ચાર્જર તો નથી વાપરતાને..? કરો આ રીતે ચેક

માર્કેટમાં હાલના સમયમાં નકલી ચાર્જર મોટી સંખ્યામાં મળી રહ્યા છે. નકલી મોબાઇલ ચાર્જર સ્માર્ટફોનની બેટરી ફાટવા કે પછી મોબાઇલમાં બ્લાસ્ટ થવા માટે ખાસ જવાબદાર છે.

કેટલાક કિસ્સાઓ એવા પ્રકાશમાં આવ્યા છે કે નકલી ચાર્જરને કારણે મોબાઇલમાં બ્લાસ્ટ થયો હોય અને વ્યક્તિનો જીવ ગયો હોય. 

આ સાથે જ જો તમે નકલી મોબાઇલ ચાર્જર વાપરી રહ્યા હોવ તો તમારા સ્માર્ટફોનની બેટરી લાંબો સમય સુધી ચાલતી નથી. આ સાથે જ તેની લાઇફ ઉપર પણ ખાસ અસર પડે છે અને ઓછા સમયગાળામાં તે ફુલાઇ જાય છે.

ત્યારે અમે આપને નકલી ચાર્જર નહીં વાપરવા માટે ખાસ અનુરોધ કરી રહ્યા છીએ આ સાથે ચાર્જર સાથે જોડાયેલ એવી બાબતો વિશે જણાવવા જઇ રહ્યા છીએ જેના દ્વારા તમે પણ ચકાસી શકો છો ચાર્જર નકલી છે કે અસલી..

સેમસંગ મોબાઇલનું ચાર્જર

સેમસંગ સ્માર્ટફોનનું અસલી અને નકલી મોબાઇલ ચાર્જરને ઓળખવું ખુબ મુશ્કેલ છે. તમે પણ ચાર્જર પર છાપવામાં આવેલ ટેક્સ્ટના આધારે સેમસંગના અસલી ચાર્જરને ઓળખી શકો છો.

આપને જણાવી દઇએ કે જો ચાર્જર પર A+ સાથે જમેડ ઇન ચાઇના લખ્યું છે તો સમજવું આ ચાર્જર ડુપ્લીકેટ હોઇ શકે છે.

આઇફોનનું ચાર્જર

એપલ કંપનીની આઇફોનનું નકલી ચાર્જર આજકાલ મોટી સંખ્યામાં બજારમાં મળી રહ્યા છે. ત્યારે અસલી અને નકલી ચાર્જર વચ્ચેનો ભેદ ઓળખવો ઘણો મુશ્કેલ છે. ત્યારે અમે આપને જણાવી દઇએ કે આઇફોનના અસલી ચાર્જર પર ડિઝાઇન બાય કેલિફોર્નિયા (Designed by Apple in California) લખેલું આવે છે.

xiaomiનું ચાર્જર

xiaomiના ચાર્જરની ઓળખ તેના તારની લંબાઇ પરથી સરળતાથી કરી શકાય છે. જો લંબાઇ 120 સેંન્ટીમીટરથી ઓછી છે અથવા તો એડપ્ટરની સાઇઝ સામાન્ય કરતા મોટી છે તો સમજવું કે આ ચાર્જર નકલી છે.