ક્રિકેટ / આ છે સૌથી વધુ ટેસ્ટ મેચ રમનાર વિશ્વનાં ટોપ-10 ક્રિકેટર્સ, લિસ્ટમાં બે ભારતીયોનો પણ દબદબો

• ટેસ્ટ ક્રિકેટને ક્રિકેટનું સૌથી સારું ફોર્મેટ માનવામાં આવે છે
• આ ફોર્મેટમાં ખેલાડીઓની ધીરજ અને ગુણોની કસોટી થાય
• એવા ટોપ-10 ક્રિકેટરો જેમને સૌથી વધુ ટેસ્ટ મેચ રમી 

cricketers who played the most Test matches: ટેસ્ટ ક્રિકેટને ક્રિકેટનું સૌથી સારું ફોર્મેટ માનવામાં આવે છે. લગભ દરેક ક્રિકેટ નિષ્ણાતો અને ફેન્સ પણ એમ જ માને છે કે ટેસ્ટ ક્રિકેટ એ વાસ્તવિક કે સાચું ક્રિકેટ છે, એમ માનવા પાછળનું કારણ એ છે કે આ ફોર્મેટમાં ખેલાડીઓની ધીરજ અને ગુણોની કસોટી થાય છે અને આવી સ્થિતિમાં લોકો એમ પણ માને છે કે જે ખેલાડીઓએ સૌથી વધુ ટેસ્ટ મેચ રમી છે તે વિશ્વના શ્રેષ્ઠ ક્રિકેટર છે. એવામાં આજે અમે તમને એવા ટોપ-10 ક્રિકેટરો વિશે જણાવવા જઈ રહ્યા છીએ જેમણે ક્રિકેટના ઇતિહાસમાં સૌથી વધુ ટેસ્ટ મેચ રમી છે.

સૌથી વધુ ટેસ્ટ મેચ રમી હોય એ ખેલાડીઓ 
1. સચિન તેંડુલકર 
ભારતના મહાન ક્રિકેટર સચિન તેંડુલકરનું નામ આ લિસ્ટમાં ટોપ પર આવે છે. જણાવી દઈએ કે એમને પોતાની કારકિર્દીમાં 200 ટેસ્ટ મેચ રમી હતી અને ટેસ્ટ ક્રિકેટના ઈતિહાસમાં તેમના સિવાય અન્ય કોઈ ક્રિકેટરે અત્યાર સુધી 200 ટેસ્ટ મેચ રમી નથી. નોંધનીય છે કે આ મેચોમાં સચિને 15,921 રન બનાવ્યા અને 46 વિકેટ લીધી છે.

2. જેમ્સ એન્ડરસન - 
સચિન તેંડુલકર પછી આ લિસ્ટમાં ઈંગ્લેન્ડના ફાસ્ટ બોલર જેમ્સ એન્ડરસન આવે છે. જેમ્સ એન્ડરસને અત્યાર સુધીમાં કુલ 178 ટેસ્ટ મેચ રમી છે અને તે હજુ પણ ક્રિકેટ રમી રહ્યો છે. નોંધનીય છે કે એન્ડરસને અત્યાર સુધીમાં 678 વિકેટ લીધી છે. તેણે પોતાની કારકિર્દીમાં 1,302 રન પણ બનાવ્યા છે.

3. રિકી પોન્ટિંગ - 
આ લિસ્ટમાં તત્રીજા નંબર પર ઓસ્ટ્રેલિયાના પૂર્વ કેપ્ટન રિકી પોન્ટિંગ આવે છે. એમને પોતાના કરિયરમાં 168 ટેસ્ટ મેચ રમી હતી અને આ મેચોમાં 13,378 રન બનાવ્યા છે સાથે જ 5 વિકેટ પણ લીધી છે.

4. સ્ટીવ વો - 
આ લિસ્ટમાં ચોથા નંબર પર ઓસ્ટ્રેલિયાના સ્ટીવ વોનું નામ આવે છે, સ્ટીવ વો એ પોતાના કરિયરમાં 168 ટેસ્ટ મેચ રમી હતી જેમાં તેને 10,927 રન અને 92 વિકેટ પણ લીધી છે. 

5. જેક કાલિસ 
આ લિસ્ટમાં પાંચમા નંબર પર  સાઉથ આફ્રિકાના પૂર્વ ક્રિકેટર જેક કાલિસનું નામ આવે છે. જેક કાલિસે પોતાની કારકિર્દીમાં 166 ટેસ્ટ મેચ રમી હતી જેમાં તેને 13,289 રન બનાવવાની સાથે 292 વિકેટ પણ લીધી હતી.

6. શિવ નારાયણ ચંદ્રપોલ 
આ લિસ્ટમાં છઠ્ઠા નંબર પર વેસ્ટ ઈન્ડિઝના પૂર્વ બેટ્સમેન શિવ નારાયણ ચંદ્રપોલનું નામ આવે છે. એમને પોતાની કારકિર્દીમાં 164 ટેસ્ટ મેચ રમી હતી. જેમાં તેણે 11,867 રન અને 9 વિકેટ ઝડપી હતી.

7. રાહુલ દ્રવિડ 
આ લિસ્ટમાં સાતમા નંબર પર ભારતના પૂર્વ કેપ્ટન રાહુલ દ્રવિડનું નામ આવે છે. જણાવી દઈએ કે રાહુલ દ્રવિડએ 164 ટેસ્ટ મેચ પણ રમી હતી જેમાં એમને 13,288 રન બનાવ્યા હતા અને એક વિકેટ લીધી હતી.

8. એલિસ્ટર કૂક -
આ લિસ્ટમાં આઠમા નંબર પર ઈંગ્લેન્ડનો એલિસ્ટર કૂક આવે છે. તેણે 161 ટેસ્ટ મેચ રમી હતી. ઈંગ્લેન્ડના આ પૂર્વ કેપ્ટને પોતાની કારકિર્દીમાં 12,472 રન બનાવ્યા હતા અને 1 વિકેટ લીધી હતી. 

9. સ્ટુઅર્ટ બ્રોડ -
ઈંગ્લેન્ડના ફાસ્ટ બોલર સ્ટુઅર્ટ બ્રોડનું નામ પણ નવમા નંબર પર આવે છે. એમને તેની કારકિર્દીમાં અત્યાર સુધીમાં 160 મેચ રમી છે અને તે હજુ પણ ક્રિકેટ રમી રહ્યો છે. બ્રોડે તેની કારકિર્દીમાં 567 વિકેટ લીધી છે અને 3,558 રન પણ બનાવ્યા છે.

10. એલન બોર્ડર -
ઓસ્ટ્રેલિયાના પૂર્વ દિગ્ગજ ખેલાડી એલન બોર્ડરનું નામ દસમાં નંબર પર આવે છે. એલને તેની કારકિર્દીમાં 156 ટેસ્ટ મેચ રમી જેમાં તેણે 11,174 રન બનાવ્યા અને 39 વિકેટ પણ લીધી.