ફૂડ / મિસળ પાઉં, બોમ્બે ભેળ અને મહારાષ્ટ્રીય કઢી, ચાખી લો મહારાષ્ટ્રની ફેમસ વાનગીઓનો સ્વાદ

પૂરણપોળી

આ મરાઠી ડિશ છે અને તે ગુજરાતી પૂરણપોળી જેવી જ હોય છે. ચણાની દાળને બાફીને તેને ગોળ અને ઘીમાં સેકવામાં આવે છે. આ પૂરણને પૂરણપોળીમાં ઘીમાં પરાઠાની જેમ શેકીને તૈયાર કરાય છે. 

મિસળ પાઉં

આ એક પ્રકારનો કોલ્હાપુરી ટેસ્ટ છે. મુંબઈમાં તે ઘણો જાણીતો છે. સાંજના નાસ્તામાં તેની મજા લઈ શકાય છે. મિસળ એક રસાવાળું શાક હોય છે જેને ખૂબ જ તીખું બનાવવામાં આવે છે. તેમાં વટાણા, સ્પ્રાઉટ્સ મિક્સ કરવામાં આવે છે. 

પાઉંભાજી

મહારાષ્ટ્રની પાઉંભાજી ખૂબ જ ફેમસ છે. તેનો સ્વાદ દુનિયાભરમાં જાણીતો છે. તેને બનાવવામાં અનેક શાકનો ઉપયોગ કરવામાં આવે છે. પાઉંને માખણમાં શેકવામાં આવે છે અને શાક પર મસ્કો મારીને પીરસવામાં આવે છે. મહારાષ્ટ્રમાં માખણને મસ્કો કહેવામાં આવે છે.

બોમ્બે ભેળ

ભેળપુરી મહારાષ્ટ્રનું ચટપટું વ્યંજન છે. આ ઓલટાઈમ ફેવરિટ સ્નેક્સમાંનું એક છે. જૂહુ ચોપાટી, ગોરેગાંવ ચોપાટી અને ઘાટકોપરની ભેળનો ટેસ્ટ અલગ છે. તેમાં મુરમુરા (મમરા), ટામેટા, ડુંગળી, શિમલા મરચાં, અનેક પ્રકારની નમકીન અને ખાટી મીઠી આમલીની ચટણી નાંખવામાં આવે છે. બોમ્બે ભેળ મહારાષ્ટ્રની જાણીતી ભેળ છે. દેશમાં તેનું ચલણ વધી રહ્યું છે. 

વડાપાઉં

મહારાષ્ટ્રમાં વડાપાઉંનો ટેસ્ટ ફેમસ છે. ખાસ કરીને મુંબઈમાં ફેવરિટ સ્નેક્સ છે. વડાપાઉંને બનાવવાનું કામ શિવસેના સુપ્રીમો બાલ ઠાકરેના કહેવા પર તેમના સમર્થકોએ શરૂ કર્યું હતું. તેને કેટલીક જગ્યાએ બટાકા વડા પણ કહેવામાં આવે છે. તેને સૂકી લાલ ચટણી સાથે સર્વ કરવામાં આવે છે. વડાપાઉંને તીખા બનાવવા માટે તેમાં લીલી ચટણી અને લીલા મરચાં પણ આપવામાં આવે છે. 

ઉદિચ મોદક

મોદક મહારાષ્ટ્રની શાન ગણાય છે. ગણેશ ચતુર્થી સમયે ભગવાન ગણેશને તેનો ભોગ ચઢાવવામાં આવે છે. તેને ગોળ અને નારિયેળનું ફિલિંગ કરીને બનાવવામાં આવે છે. સામાન્ય રીતે મોદક ચોખાના લોટથી તૈયાર કરવામાં આવે છે. લોકો હવે તેમાં અનેક અલગ ફ્લેવર લાવી રહ્યા છે. કેસર મોદક, ચોકલેટ મોદક, પનીર મોદક અન્ય વેરાયટીના નામ છે.

મહારાષ્ટ્રીયન કઢી

આ મહારાષ્ટ્રની ફેવરિટ ડિશ છે. દહીં અને ચણાના લોટથી બનતી આ વાનગી અહીં ફેમસ છે. તેમાં સરસિયાના તેલ અને લીમડાના પાનનો વઘાર કરવામાં આવે છે. જેનાથી તેને અલગ ટેસ્ટ મળે છે. આ કઢીમાં થોડું ગળપણ અને સાથે વધારમાં લીમડાના પાનનો ઉપયોગ કરાય છે.

ફિશ કરી

મહારાષ્ટ્રિયન ફિશ ખાસ કરીને કોંકણના વિસ્તારોમાં ફેમસ છે. કોંકણી લોકો તેને ભાત સાથે ખાવાનું પસંદ કરે છે. આ સિવાય મહારાષ્ટ્રના અન્ય વિસ્તારોમાં બોમ્બિલ અને બોમ્બે ડક ફિશનો પણ ઉપયોગ કરાય છે.

સાબુદાણા ખીચડી

સાબુદાણા ખીચડી મહારાષ્ટ્રની દેન છે. અહીંના લોકો તેને વ્રત કે ઉપવાસમાં ફલાહારની રીતે ઉપયોગમાં લે છે. સાબુદાણાને પલાળીને તેને બનાવવામાં આવે છે. આ સિવાય શિંગદાણા, લીમડાના પાનનો સ્વાદ તેને વધારે ટેસ્ટી બનાવે છે. હવે તો તે દરેક જગ્યાએ બનવા લાગી છે.

વરણ (મહારાષ્ટ્રીયન દાળ)

અડદની દાળને મહારાષ્ટ્રમાં નારિયેળની પેસ્ટ સાથે બનાવવામાં આવે છે. ચોખાની સાથે તેનો ટેસ્ટ લાજવાબ લાગે છે.