તમે બોર્ડ પર ચૉકથી લખવાની મજા તો લીધી હશે અને આજે કદાચ તમારા બાળકો રમવામાં અનેક વાર ચૉકનો ઉપયોગ પણ કરતાં જ હશે. બોર્ડ પર લખવા સિવાય ચૉકથી ઘરના અન્ય કયા કામને સરળ બનાવી શકાય છે. ચૉકની મદદથી તમે ઓછી મહેનતે કેટલાક મુશ્કેલ કામ જેમકે કપડાંના ડાઘ, બૅડ સ્મેલ કે પછી ચાંદીના વાસણો ચમકાવવા જેવા કામ પણ ચપટીમાં કરી શકો છો.
સસ્તા અને રંગીન ચૉકના છે અનેક ઘરેલૂ ઉપયોગ
આ કામમાં ચૉક કરશે તમારી મદદ
મુશ્કેલ કામને સરળ બનાવી દેશે રંગીન ચૉક
કપડાંના ડાઘ હટશે
સ્યાહી, પરસેવો કે ગ્રીસના નિશાન ચૉક સરળતાથી સાફ કરે છે. ડાઘ પર ચૉકનો ભૂકો નાંખી રાતભર રહેવા દો અને પછી ધોઇ લો. ડાઘ નીકળી જશે.
ટૂલ બોક્સના સાધનો રાખશે સારા
ટૂલ બોક્સના સાધનો વારેઘડી ઉપયોગમાં ન લેવાય તો તેની પર કાટ લાગે છે. તેમાં ચૉક રાખી દો. તે કાટ લાગતાં રોકશે અને સાધનો ગમે ત્યારે સારા રહેશે.
ચાંદીના વાસણ ચમકશે
ચાંદીના વાસણ થોડા સમય બાદ ચમક ખોવી દે છે. તેની સાથે ચૉકના કેટલાક ટુકડા રાખો. તેની ચમક ખોવાશે નહીં. ચૉક ભેજ શોષે છે અને વાસણ સારા રાખે છે.
કપડાંની બદબૂને કરશે દૂર
તમે ધોવાના કપડાંને લોન્ડ્રી બેગમાં ભેગા કરો છો અને જો તેમાંથી સ્મેલ આવે છે તો તમે તેની સાથે ચૉકની સ્ટીક્સ રાખો. તેનાથી કપડાંની સ્મેલ ઓછી થઇ જાય છે.
કીડીઓથી મળશે રાહત
તમે કીડી અને કોક્રોચથી હેરાન છો તો તમે લક્ષ્મણ રેખા સિવાય સાદા ચૉકનો પ્રયોગ પણ કરી શકો છો. તેની એક લાઇન કરી દો. કીડીઓ આવતી બંધ થશે.
ફર્નિચરનું સેટિંગ
જ્યારે ફર્નિચરને એક જગ્યાએથી બીજી જગ્યાએ હટાવવું હોય ત્યારે નવી જગ્યાને ચૉકથી માર્ક કરી લો. જ્યારે સેટિંગ થઇ જાય ત્યારે તમે તે નિશાન ભીનાં કપડાંથી સાફ કરી લો.