શપથવિધિ / 27મીએ ઝારખંડના મુખ્યમંત્રી પદના શપથ લેશે હેમંત સોરેન

• ઝારખંડ વિધાનસભાની 81 બેઠકનું પરિણામ જાહેર
• JMM+ ગઠબંધનને 47 સીટ પર જીત પ્રાપ્ત કરી
• હેમંત સોરેન 27મીએ સીએમ પદના શપથગ્રહણ કરશે

ઝારખંડ વિધાનસભાની 81 બેઠક માટે 30 નવેમ્બરથી 20 ડિસેમ્બર સુધીમાં પાંચ તબક્કામાં મતદાન યોજાયું હતું. આ ચૂંટણીમાં ભાજપને માત્ર 25 સીટ મળી છે જ્યારે વિપક્ષી ગઠબંધનને 47 સીટ પ્રાપ્ત થઇ છે.

ઝારખંડ મુક્તિ મોરચા (JMM) ના કાર્યકારી અધ્યક્ષ અને રાજ્ય વિધાનસભા ચૂંટણીના વિજયી વિપક્ષ ગઠબંધનના નેતા હેમંત સોરેન પોતાના મંત્રીમંડળ સહયોગી સાથે 27 ડિસેમ્બરના રોજ રાંચીના મોરહાબાદી મેદાનમાં શપથ ગ્રહણ કરશે. ઝારખંડ વિધાનસભા ચૂંટણીમાં 81 બેઠકમાંથી 47 સીટ જીત્યા બાદ ગઠબંધનના નેતા હેમંત સોરેનના નિવાસ સ્થાન પર આયોજીત પહેલી પત્રકાર પરિષદમાં અંગેની જાણકારી આપવામાં આવી હતી. 

હેમંત સોરેન ગઠબંધનના પ્રમુખ તરીકે રાજ્યપાલ દ્રૌપદી મુર્મૂની પાસે નવી સરકાર બનાવવાનો દાવો રજૂ કરશે અને તમામ ઔપચારિકતાઓ બાદ સોરેન સરકાર બની જશે. રાજયપાલની મંજૂરી મળશે તો શપથ ગ્રહણનો કાર્યક્રમ મોરહાબાદી મેદાન ખાતે આયોજીત થશે. 

સરકારની સંરચનાને લઇને પૂછવામાં આવેલા સવાલના જવાબમાં જણાવ્યું કે આ અંગેની વિસ્તૃત ચર્ચા માટે દિલ્હી ખાતે કોંગ્રેસ અધ્યક્ષ સોનિયા ગાંધી અને રાહુલ ગાંધી સાથે વાતચીત કરશે.