હવામાન / રાજ્યમાં આગામી 5 દિવસમાં થશે ભારે વરસાદની આગાહી, માછીમારોને દરિયો ન ખેડવા સૂચના

રાજ્યના મોટાભાગના જિલ્લાઓમાં આગામી 5 દિવસ સુધી ભારે વરસાદની આગાહી કરાઇ છે. ઉત્તર, દક્ષિણ અને મધ્ય ગુજરાતમાં ભારે વરસાદ પડી શકે છે. જેને લઇ NDRFની ટીમ તહેનાત કરી દેવાઇ છે. ઉપરાંત માછીમારોને પણ દરિયો ન ખેડવા સૂચના આપવામાં આવી છે. ઓડિશા, ઝારખંડ પર બનેલા લો પ્રેશરના કારણે વરસાદી સિસ્ટમ સક્રીય થઇ છે. સાથે જ ઉત્તર પ્રદેશ પર અપર એર સાયક્લોનિક સિસ્ટમ આગળ વધીને મધ્ય પ્રદેશ તરફ જઇ રહી છે જેની સીધી અસર ગુજરાતમાં થઇ છે. જેથી આજે મહેસાણા, અરવલ્લી, મોરબી, જામનગર, સુરેન્દ્રનગર, અમદાવાદ, ગાંધીનગર સહિતમાં ભારે વરસાદની આગાહી કરવામાં આવી છે.