વરસાદ / સૌરાષ્ટ્ર-કચ્છમાં મેઘરાજાની કૃપાથી સિઝનનો 100 ટકા વરસાદ થયો, મોટાભાગના ડેમ ભરાયા

ઉલ્લેખનીય છે કે ગુજરાતમાં સતત વરસાદ વરસી રહ્યો છે. આ સીઝનમાં સૌરાષ્ટ્રના અનેક તાલુકાઓમાં 100 ટકા કરતા વધુ વરસાદ નોંધાયો છે. સૌરાષ્ટ્રના 3 તાલુકામાં સીઝનનો 40 ઈંચથી વધુ વરસાદ નોંધાયો છે. વિસાવદર, રાજકોટ અને તાલાળામાં 40 ઈંચથી વધુ વરસાદ વરસ્યો છે. સૌરાષ્ટ્રમાં 6 જિલ્લાઓમાં સરેરાશ 130 ટકા જેટલો વરસાદ નોંધાયો છે. વરસાદ થતા ખેડૂતોમાં ફરી એક વખત આશા બંધાઈ છે. સારા વરસાદના કારણે વર્ષ સુધી પાણીની સમસ્યા ન થાય તેવી ખેડૂતોને આશા બંધાઈ છે.

આગામી 26 અને 27 તારીખે સૌરાષ્ટ્રમાં ભારે વરસાદની શક્યતા છે. સાબરકાંઠા, અરવલ્લી, વડોદરા, પંચમહાલ, કચ્છ, દાહોદ, છોટાઉદેપુરમાં ભારેથી અતિભારે વરસાદ પડી શકે છે.નર્મદા, ભરૂચ, ખેડા, મહીસાગરમાં પણ ભારેથી અતિભારે વરસાદની આગાહી કરાઇ છે. 28 તારીખે મહેસાણા, સાબરકાંઠા, ગાંધીનગર, અમદાવાદ, પંચમહાલ, મોરબી,  ભાવનગર, ગીર સોમનાથમાં ભારે વરસાદ પડી શકે છે.ગુજરાતના તમામ શહેરોમાં હાલમાં વરસાદની સ્થિતિ સર્જાઈ છે. જેને લઈને અનેક લોકો મુશ્કેલીઓ અનુભવી રહ્યા છે. 

અમદાવાદમાં પણ આગામી દિવસોમાં ભારે વરસાદની આગાહી કરવામાં આવી છે. 10 સપ્ટેમ્બર સુધી રાજ્યમાં અતિભારે વરસાદની આગાહી કરાઇ છે. હવામાન વિભાગ મુજબ 10 સપ્ટેમ્બર બાદ વરસાદ ઓછો થવાની શક્યતા છે. હાલ રાજ્યમાં વરસાદી સિસ્ટમ સક્રિય હોવાથી ભારે વરસાદ પડી શકે છે. જેને લઇ માછીમારોને દરિયો ન ખેડવા સૂચના અપાઇ છે. તંત્ર દ્વારા દરેક વ્યક્તિને કહેવાયું છે કે પોતાની જીવન જરૂરિયાતનો સામાન સ્ટોર કરીને રાખે. જેથી કોઈ મોટી તકલીફ ન સર્જાય.

ફોટો સૌજન્ય - Twitter.com