IPLIN
 

'મહા'સંકટ / 'મહા' ચક્રવાતની અસર શરૂ: મુંબઈમાં ભારે વરસાદ તો સૌરાષ્ટ્રમાં પણ ધામા, 7 દિવસ વરસાદની આગાહી

Team VTV 07:08 PM, 01 Nov 19 | Updated: 12:32 AM, 02 Nov 19
Follow us
heavy rain in Gujarat because of cyclone kyarr and maha

મુંબઈ પહોંચેલ ચક્રવાત મહા મુશળાધાર વરસાદ વરસાવી રહ્યુ છે ત્યારે ચક્રવાત ક્યાર બાદ મહાના કહેરને પગલે ગુજરાતમાં સતત વરસાદ આવી રહ્યો છે. છેલ્લા એક અઠવાડિયાથી વરસાદ વરસી રહ્યો છે. ગુજરાતમાં વરસાદને કારણે ઉભો પાક કોહવાઈ ગયો છે અને હજુ પણ ગુજરાતમાં વરસાદની આગાહી છે ત્યારે ક્યાર બાદ મહા પણ વરસાદ વરસી રહ્યો છે. ગુજરાતમાં પોરબંદર, કેશોદ સહિતના સૌરાષ્ટ્ર અને દ. ગુજરાતને વરસાદ ઘમરોળી રહ્યો છે. હજુ સાત દિવસ ગુજરાત વરસાદ પડશે.

  • ચક્રાવાત ક્યાર બાદ મહાનો કહેર
  • મુંબઈમાં મુશળધાર વરસાદ
  • ગુજરાતમાં સાત દિવસ વરસશે તોફાની પવન સાથે વરસાદ

દક્ષિણ ગુજરાત અને સૌરાષ્ટ્રના જિલ્લાઓને કર્યા સુચન

'મહા' વાવાજોડાની સંભવિત અસરોને લઈ તંત્રને અલર્ટ કરવામાં આવ્યુ્ં છે. દક્ષિણ ગુજરાત અને સૌરાષ્ટ્રના જિલ્લાઓને આ અંગે સુચન કરવામાં આવ્યું છે. રાહત કમિશનરે તમામ જિલ્લા અધિકારીઓને તાકીદ કરવામાં આવી છે. વાવાજોડા અગાઉ રાહત બચાવની તૈયારી કરવા સુચન કરવામાં આવ્યું છે. જિલ્લા કક્ષાએ અધિકારીઓ સાથે બેઠક કરવા પણ જણાવવામાં આવ્યું છે. 6 થી 8 નવેમ્બર સુધી 'મહા' વાવાજોડૂ ત્રાટકી શકે છે. દરિયાકિનારા પર 60-70 કીમી ઝડપે પવન ફૂંકાવાની શક્યતા છે. આ વાવાજોડાથી સમગ્ર રાજ્યમાં ભારે વરસાદ થઈ શકે છે. વલસાડ, નવસારી, સુરત, ભરૂચ, વડોદરામાંની અસર થઇ શકે છે. તેમજ સૌરાષ્ટ્રના તમામ કાંઠાના જિલ્લા તંત્રને પણ અલર્ટ કરવામાં આવ્યું છે. રાજકોટ, પોરબંદર, દ્વારકા, ગીર-સોમનાથમાં પણ આની અસર થઈ શકે છે. તેમજ જામનગર, મોરબી, જૂનાગઢ, ભાગનગર, અમરેલીને પણ અસર થઇ શકે છે. આ વાવાજોડાની  જિલ્લામાં સંભવિત સ્થિતિ માટે તૈયારીઓ કરવા સુચન કરવામાં આવ્યું છે. જિલ્લા કલેક્ટરોને રાહત કમિશનર કે.ડી કાપડિયાએ આ અંગે સુચન કર્યા છે. તેમજ પત્ર લખીને પણ તમામ જિલ્લા તંત્રને સાવધ રહેવા માટે આદેશ આપવામાં આવ્યાં છે.

ચક્રાવાત મહારાષ્ટ્ર મુંબઈ પહોંચી ગયુ છે જેને પગલે મુંબઈમાં મુશળાધાર વરસાદ વરસી રહ્યો છે અને  ગુજરાતમાં મોટા ભાગના શહેરોમાં ચોથા દિવસે પણ કમોસમી વરસાદ યથાવત રહ્યો છે. તેના અનુસંધાને કેશોદ તાલુકામાં કમોસમી વરસાદ થયો છે. જેથી ખેડુતોની મુશ્કેલીમાં વધારો થયો છે. પાણી ભરાતા ઘણો પાક કોહવાઇ ગયો છે. તેમજ કેટલીય ખેત પેદાશોમાં મોટાપાયે નુકસાન થયું છે.

કેશોદમાં ચાર દિવસથી ભારે વરસાદ

કેશોદ તાલુકામાં કમોસમી વરસાદને કારણે ખેડૂતોની મુશ્કેલીમાં વધુને વધુ વધારો થઈ રહયો છે. ખેત પેદાશોમાં મોટાપાયે નુકસાન થઈ રહ્યુ છે. ચોથા દિવસે કમોસમી વરસાદ ચાલુ જ છે.  

પોરબંદર જિલ્લાના ઘેડ પંથકમાં વરસાદ

પોરબંદરના ઘેડ પંથકમાં ભારે પવન સાથે વરસાદ વરસી રહ્યો છે. મિત્રાળા, ગરેજ ગામમાં ધોધમાર વરસાદ થઈ રહ્યો છે. વરસાદ પડતાં ખેડૂતોના પાકને નુકશાન થઈ રહ્યુ છે. 

બનાસકાંઠા

થરાદ પંથકમાં ભારે ઉકળાટ બાદ ભારે વરસાદ વરસી રહ્યો છે. ગ્રામીણ વિસ્તારોમાં વરસાદી ઝાપટાં પડી રહ્યા છે. ખેડૂતોના કાપણી કરેલા પાકને નુકશાન થાય છે. થરાદ શહેરમાં પણ વરસાદી માહોલ જામ્યો છે.

પવન સાથે ભારે વરસાદ
વડોદરા જિલ્લામાં પણ વરસાદ ખૂબ વરસી રહ્યો છે. ઝરમર નહી પણ પવન અને વાવાઝોડા સાથે વરસાદ વરસી રહ્યો છે. જ્યારે સૌરાષ્ટ્ર અને દ. ગુજરાતમાં પણ વરસાદ ખુબ વરસી રહ્યો છે. 

Cyclone Kyarr cyclone Maha gujarat heavy rain in Gujarat ગુજરાત વરસાદ ચક્રાવાત મહા ચક્રાવાત ક્યાર લીલો દુકાળ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ