ગીર સોમનાથ રાજુલા અને સુરતમાં તડાકા-ભડાકા સાથે ધોધમાર વરસાદ

ગીર સોમનાથ
રાજયમાં ચોમાસાના પ્રથમ વરસાદની શરૂઆત થઇ ચુકી છે. ત્યારે સૌરાષ્ટ્રમાં પણ મેઘરાજાની સવારી થઇ હતી. જયાં ગીર સોમનાથના તાલાલામાં વહેલી સવારથી વરસાદની એન્ટ્રી થઇ હતી કડાકા ભડાકા સાથે વરસાદ પડયો હતો. ગ્રામ્ય વિસ્તારોમાં મેઘરાજાની ધમાકેદાર એન્ટ્રી થતાં લોકોમાં ખુશીનો માહોલ છવાઇ ગયો હતો. અને વાવણી લાયક વરસાદ પડતાં ખેડૂતોમાં ખુશીની લહેર જોવા મળી હતી. 

અમરેલી
ચોમાસાની શરૂઆત થઈ ગઈ છે ત્યારે અમરેલીના રાજુલામાં પણ કેટલાક વિસ્તારોમાં ધોધમાર વરસાદ આવ્યો હતો પરંતુ મોચા આગરીયા સહિતના વિસ્તારોમાં ઘીમાધારે વરસાદ આવ્યો હતો. તો સાથે વરસાદના કારણે સમગ્ર વાતાવરણમાં ઠંડક પ્રસરી હતી.જેથી લોકોએ રાહતનો શ્વાસ લીધો હતો. 

સુરત
સુરતમાં વરસાદના કારણે મોટા વરાછા વિસ્તારમાં એક ઝાડ ધરાશાયી થયું જેમાં ત્યાં રહેલા ચાર વાહનોને નુકશાન થયું હતું. તેમજ એક વ્યકિતને ઈજા પણ પહોંચી હતી. પરંતુ કોઈ જાનહાનિ થઈ નથી.