સુરેન્દ્રનગરમાં સતત ભારે વરસાદ વરસી રહ્યો છે. ભારે વરસાદ થતા ડેમ, નદીઓમાં પાણીની આવક થઈ છે. ભારે વરસાદથી ધોળીધજા ડેમ ઓવરફ્લો થયો છે. ડેમ ઓવરફલો થતા ભોગાવો નદી બે કાંઠે વહી રહી છે. ધ્રાંગધ્રાનો ફલકુ ડેમ પણ ઓવરફ્લો થયો છે.
સુરેન્દ્રનગરનો ધોળીધજા ડેમ ઓવરફ્લો
સુરેન્દ્રનગરમાં ભારે વરસાદથી ધોળીધજા ડેમ ઓવરફ્લો થયો છે. ડેમ ઓવરફલો થતા ભોગાવો નદી બે કાંઠે વહી રહી છે. આ ડેમ સતત ત્રીજી વખત ઓવરફ્લો થયો છે. ડેમ ઓવરફ્લો થતા ભોગાવો નદી પર આવેલા કોઝ-વે પર પાણી ફરી વળ્યા છે. નીચાણવાળા 7થી 8 ગામોને અલર્ટ કરવામાં આવ્યા છે.
ડેમ ઓવરફ્લો થતા તંત્ર દ્વારા નીચાણવાળા ગામોને અલર્ટ કરી દેવામાં આવ્યા છે. ભડિયાદ, જોરાવરનગર, રતનપરને અલર્ટ કરાયા છે. મેમકા, નાના કેરાળા, સાંકળી, શીયાણીને પણ અલર્ટ કરાયા છે.
ત્રિવેણી ઠાંગા ડેમ ઓવરફલો
સુરેન્દ્રનગરમાં સતત ભારે વરસાદ વરસી રહ્યો છે.ભારે વરસાદ થતા ડેમ, નદીઓમાં પાણીની આવક થઈ છે.પાણીની આવક થતા ત્રિવેણી ઠાંગા ડેમ ઓવરફલો થયો છે.ચોટીલા અને ઉપરવાસમાં વરસાદથી ડેમમાં પાણીની સતત આવક થઈ રહી છે. ભારે વરસાદના કારણે ચોમાસાની સિઝનમાં ત્રીજી વખત ડેમ ઓવરફલો થયો છે. જેને લઇ તંત્ર દ્વારા નીચાણવાળા વિસ્તારને અલર્ટ કરાયા છે.
ફલકુ ડેમ ઓવરફલો
સુરેન્દ્રનગર જિલ્લામાં પણ ધોધમાર વરસાદ વરસ્યો છે. ભારે વરસાદના કારણે નદી-નાળાઓ છલકાઇ ગયા છે. ધોધમાર વરસાદથી સુરેન્દ્રનગર જિલ્લાના ધ્રાંગધ્રાનો ફલકુ ડેમ પણ ઓવરફ્લો થયો છે. ઉપરવાસમાં ભારે વરસાદથી ડેમમાં પાણીની ભરપૂર આવક થઇ રહી છે.
મુળીનો નાયકા ડેમ થયો ઓવરફ્લો
સુરેન્દ્રનગરમાં મુળીનો નાયકા ડેમ ઓવરફ્લો થયો છે. મુળીનો નાયકા ડેમ આ સિઝનમાં પ્રથમવખત ઓવરફ્લો થયો છે. નાયકા ડેમ ઓવરફ્લો થતા લોકોમાં આનંદની લાગણી જોવા મળી રહી છે. ડેમના 10 દરવાજા ખોલવામાં આવ્યા છે. જેને લઇ આસપાસના ગામ ગૌતમગઢ, કુકડા, ગોદાવરી, દિગસર, શેખપર સહિતના ગામોને અલર્ટ કરી દેવાયા છે.
ભારે પાણીના પ્રવાહ લખતરમાં તણાઈ કાર
સુરેન્દ્રનગરના લખતરમાં ભારે પાણીના પ્રવાહમાં કાર તણાઇ છે. જેમાં સ્થાનિકોએ રેસ્ક્યું કરી કારમાં બેસેલા બે વ્યક્તિઓને બચાવ્યાં. લખતરના વણા ગામના બેઠા પુર પરથી કાર તણાઇ હતી.