વાવાઝોડાંનું સંકટ! / ગુજરાતમાં ફરી મેઘો મંડરાશે! આ તારીખે વાવાઝોડાં સાથે ભારે વરસાદનો ખતરો

• ગુજરાતમાં વાવાઝોડા સાથે વરસાદનો ખતરો 
• ગુજરાતમાં 16થી 19 ઓક્ટોબર પડી શકે છે વરસાદ
• દક્ષિણ ગુજરાત અને સૌરાષ્ટ્રમાં થઈ શકે ભારે વરસાદ

રાજ્યમાંથી એક તરફ જ્યારે ચોમાસું વિદાય લઇ રહ્યું છે ત્યારે ફરી આગામી 16થી 19 ઓક્ટોબર દરમિયાન રાજ્યમાં વાવાઝોડા સાથે વરસાદનો ખતરો જણાવામાં આવ્યો છે. 

હાલ હૈદરાબાદ પર સક્રિય વરસાદી સિસ્ટમ મુંબઇના માર્ગ દ્વારા દક્ષિણ ગુજરાતમાં પ્રવેશે તેવી શક્યતા વ્યક્ત કરવામાં આવી છે. મુંબઇથી પસાર થયા બાદ વરસાદી સિસ્ટમ વાવાઝોડામાં પરિવર્તિત થાય તેવી શક્યતા છે. 

જેને લઇને રાજ્યના દરિયા કિનારે 30થી 40 કિમીની ઝડપે પવન ફુંકાઇ તેવી પણ શક્યતાઓ છે. બંગાળની ખાડીમાં સર્જાયેલા લો પ્રેશરના કારણે દક્ષિણ ગુજરાત અને સૌરાષ્ટ્રમાં ભારે વરસાદ વરસે તેવી શક્યતા છે.