BIG NEWS / ડામરના રસ્તાઓ પીગળ્યા, જંગલોમાં આગ ફાટી નિકળી: ભીષણ ગરમીએ યુરોપિયન દેશોમાં હાહાકાર મચાવ્યો, 1 હજાર લોકોના મોત

• યુરોપિયન દેશોમાં ગરમીના કારણે ભયંકર સ્થિતિ
• રસ્તાઓ અને રનવે પીગળવા લાગ્યા
• જંગલોમાં ગરમીના કારણે આગ ફાટી નિકળી, એક હજારથી વધારે લોકોના મોત

જંગલો સળગી રહ્યા છે, લોકો મરી રહ્યા છે, એરપોર્ટના રનવે પીગળી રહ્યા છે. રસ્તાઓ પર ડામર પીગળી રહ્યો છે. એટલુ જ નહીં ઘાસ પણ સળગી રહ્યા છે. રસ્તા પર એવો સન્નાટો ફેલાયો છે, જાણે ફરી વાર લોકડાઉન લાગ્યું હોય, આ હાલત સમગ્ર યુરોપમાં છે. સમગ્ર યુરોપમાં ભીષણ ગરમીથી ઝઝૂમી રહ્યો છે. બ્રિટેનના ઈતિહાસામં પ્રથમ વાર પારો 40 ડિગ્રીને પાર જતો રહ્યો છે. આ અઅગાઉ છેલ્લે 2019માં 39.1 ડિગ્રી સેલ્સિયસ તાપમાન નોંધાયુ હતું. સ્પેન અને પોર્ટુગલમાં હજારથી વધારે લોકોના મોત થઈ ચુક્યા છે. 

બ્રિટેનમાં ભયંકર ગરમી કેવો કહેર મચાવી રહી છે, તેનો અંદાજ એ વાત પરથી લગાવી શકાય કે, હાઉસ ઓફ કોમન્સ (સંસદે) પણ પોતાના સભ્યોને સુવિધાના હિસાબે કપડા પહેરીને આવવાની પરવાનગી આપી દીધી છે. સ્પિકરે સાંસદોને ટાઈ અને સૂટ ન પહેરવું હોય તો તેમાં પણ છૂટ આપી છે. 

Scorching hot across western Europe with profound records being shattered.

A thread... pic.twitter.com/unxE3ppDBK

— Scott Duncan (@ScottDuncanWX) July 18, 2022

રસ્તાઓ પીગળ્યા, ટ્રેક ફેલાઈ રહ્યા છે રનવે પીગળ્યા

બ્રિટેનમાં ગરમીથી હાલત એટલી ખરાબ થઈ ગઈ છે કે, ત્યાં ટ્રાંસપોર્ટ સિસ્ટમ ખરાબ થઈ ગઈ છે. બ્રિટેનમાં રસ્તા પર ડામર પિગળી રહ્યો છે. લૂટન એરપોર્ટ પર રન વે પણ પિગળી રહ્યા છે. તો વળી રેલ્વે ટ્રેક પણ તાપમાન સહન કરી શકતા નથી, અને ટ્રેક ફેલાઈ રહ્યા છે, જેના કારણે કેટલીય ટ્રેન કેન્સલ કરવી પડી છે. ઈંગ્લેન્ડમાં લોકોને ટ્રેનથી મુસાફરી ન કરવાની સલાહ આપવામાં આવી છે. 

L’incendie de la Teste-de-Buch (Gironde) atteint l’océan, la reprise est énorme avec des flammes de plus de 30m de haut qui se dirigent vers l’océan et Biscarosse Plage // situation catastrophique à 15h10 #incendie #Latestedebuch #gironde pic.twitter.com/wIq1KvK0CI

— mathvsl (@Math00569C) July 17, 2022

સમગ્ર યુરોપમાં ધગધગતા અંગારા જેવી ગરમી

ખાલી બ્રિટેન જ નહીં, પણ ફ્રાંસ, પોર્ટુગલ, સ્પેન, ગ્રીસ સહિત સમગ્ર યુરોપિય દેશ તપી રહ્યા છે. લોકો ઘરોમાંથી બહાર નિકળતા નથી. રસ્તાઓ પર સન્નાટો છે. મોટા ભાગના લોકો ઘરેથી કામ કરી રહ્યા છે. કોઈ ઓફિસે જાય છે, તો એટલા માટે કે ત્યાં એસી મળી રહે. મોટા ભાગના વિસ્તારોમાં 40 ડિગ્રી તાપમાન છે. ઈગ્લેન્ડના હવામાન વિભાગે ચેતવણી આપી છે કે, એક બે દિવસમાં પારો 41 ડિગ્રીને પાર પહોંચી શકે છે. ગરમીના કારણે જંગલોમાં આગ લાગવાની ઘટના વધી રહી છે.  

Terrible feu, haut de 30 m, incontrôlable sur la plage de la #Lagune.
Avec les tempêtes cet automne et cet hiver le trait de côte va encore reculer énormément (25 m en 2022).#Cazaux #LaTestedeBuch #Biscarrosse pic.twitter.com/2sLOAkjVQi

— Lebob (@Bob_le_Popa) July 17, 2022

સ્પેનમાં પણ આવી જ હાલત છે. કાર્લોસ હેલ્થ ઈંસ્ટીટ્યૂટના જણાવ્યા અનુસાર સ્પેનમાં સતત 8 દિવસથી હીટવેવ ચાલી રહ્યું છે. અત્યાર સુધીમાં અહીં 510 લોકોના મોત થઈ ચુક્યા છે. આ વર્ષે આગ લાગવાના કારણે 1.73 લાખ એકર જમીન બળીને ખાક થઈ ગઈ છે. પોર્ટુગલમાં પણ ભયંકર હાલત છે અહીં 500થી વધારે લોકોના મોત થઈ ચુક્યા છે. 

ફ્રાંસમાં દુકાનો તો ખુલી, પણ કોઈ ગ્રાહકો આવતા જ નથી

ફ્રાંસમાં પણ અમુક ભાગમાં 40 ડિગ્રી તાપમાન પહોંચી ગયુ છે. અનુમાન છે કે, પારો હજૂ પણ ઉપર જશે. વધતી ગરમીના કારણે લોકો ઘરોમાંથી બહાર નિકળતા નથી. દુકાનો ખુલી રહી છે પણ કોઈ ગ્રાહકો આવતા નથી.  હવામાન વિભાગના જણાવ્યા અનુસાર ફ્રાંસમાં હાલત હજૂ પણ ખરાબ થશે. આજે ફરી તાપમાન અહીં 40 ડિગ્રી સેલ્સિયસની પાર જવાનું અનુમાન છે. ફ્રાંસમાં જૂલાઈ બાદ ભીષણ ગરમીમાંથી રાહત મળવાના અણસાર છે.