IPLIN
 

વિરોધ / ગાંધીનગરમાં આરોગ્યકર્મચારીઓનું વિરોધ પ્રદર્શન! સરકારે પાસે શું કરી રહ્યા છે માગ, સરળ શબ્દોમાં સમજો

Team VTV 11:45 AM, 04 Apr 22 | Updated: 11:48 AM, 04 Apr 22
Follow us
Health workers protest in Gandhinagar

ગુજરાત રાજ્યના 10 હજારથી વધારે સરકારી ડૉક્ટરો આજથી પડતર માંગણીઓને લઈને હડતાળ પર ઉતર્યા છે.  

  • રાજ્યભરમાં 10 હજારથી વધુ સરકારી ડૉક્ટરો હડતાળ પર  
  • ડૉક્ટર હડતાળ પર ઉતરતા દર્દીઓને મુશ્કેલી
  • રાજ્યની સરકારી હોસ્પિટલોમાં તમામ સેવાઓ ખોરવાઈ
  • OPD, ઇમરજન્સી સહિતની તમામ સેવાઓ તબીબો રહ્યા અળગા

જેમાં ગુજરાત મેડિકલ ટીચર્સ એસોસિયેશન, GMERS ફેકલ્ટી એસોસિયેશન, ગુજરાત ઇનસર્વિસ ડૉક્ટર્સ એસોસિયેશન, GMS કલાસ 2 મેડિકલ ઓફિસર્સ એસોસિયેશન, ESIS ડૉક્ટર્સ એસોસિયેશનના ડોકેટરોનો સમાવાશે થાય છે.

3 વર્ષ જૂની માંગણીઓને લઇ વિરોધ પ્રદર્શન

ગુજરાતના 10 હજારથી વધારે સરકારી ડૉક્ટરો આજથી અચોક્કસ મુદતની હડતાળ પર ઉતર્યા છે. ત્યારે ગાંધીનગર સત્યાગ્રહ છાવણી ખાતે મોટી સંખ્યામાં ડૉક્ટર્સની સાથે આરોગ્ય કર્મચારીઓનું પણ વિરોધ પ્રદર્શન શરૂ કર્યું હતું.  મહત્વનું છે કે, આરોગ્ય કર્મચારીઓ  અને તબીબો જૂની માંગણીઓ ન સંતોષતા આજે વિરોધ પ્રદર્શનનું રૂપ લઈ ચુક્યું છે. ઉલ્લેખનીય છે કે, છેલ્લા 3 વર્ષથી  આરોગ્ય કર્માચારીઓ ગ્રેડ પેમાં સુધારો, ક્ષેત્રિય ફેરણી ભથ્થાની માંગણી, કોરોના વોરિયર્સ તરીકે ગણતરી કરી ભથ્થા, તથા જૂની પેન્શન યોજના લાગૂ કરવી અને પ્રમોશન સહિતની માંગણીઓ કરી રહ્યાં છે. 

રાજ્યભરમાં 10 હજારથી વધુ સરકારી  ડૉક્ટરો હડતાળ પર ઉતર્યા છે 
  
ગુજરાતના 10 હજારથી વધારે સરકારી ડૉક્ટરો આજથી અચોક્કસ મુદતની હડતાળ પર ઉતર્યા છે. ડૉક્ટરો પોતાની માંગણીઓ ઉકેલવાની માંગ સાથે તેઓ આજે ફરજથી અળગા રહીને દિવસભર શાંતિપૂર્વક વિરોધ નોંધાવશે. હડતાળ પર ઉતરેલા ડૉક્ટરો જણાવ્યું હતું કે, અમારી વ્યાજબી માંગણીઓ હોવા છતાં હલ થઇ નથી. આ હડતાળમાં ગુજરાત મેડિકલ ટીચર્સ એસોસિયેશન, GMERS ફેકલ્ટી એસોસિયેશન, ગુજરાત ઇનસર્વિસ ડૉક્ટર્સ એસોસિયેશન, GMS કલાસ 2 મેડિકલ ઓફિસર્સ એસોસિયેશન, ESIS ડૉક્ટર્સ એસોસિયેશનના ડોકેટર અચોકક્સ મુદતની હડતાળ પર ઉતર્યાં છે. 

શું છે ડૉક્ટર્સની માંગ ?

- ડૉક્ટર્સની અલગ અલગ માંગણી એડહોકસેવાઓ સળંગ કરાય
- છેલ્લા 12 વર્ષથી બઢતી કરાતી નથી, તે બઢતી તાત્કાલિક કરાય
- રાજ્યની સરકારી મેડિકલ કોલેજમાં 400 પોસ્ટ ખાલી છે તેની સામે 800 મેડિકલ પ્રોફેસર છે જેમને બઢતી આપે 
- ખાલી 400 પોસ્ટ ભરવામાં આવે
- 22 નવેમ્બરે રદ કરાયેલો ઠરાવ ફરી અમલમાં કરાય
- રિટાયર્ડ થયેલા ડૉક્ટર્સ, શિક્ષકોને તાત્કાલિક પેન્શન અપાય
- ડૉક્ટર્સની કોન્ટ્રાક ભરતી બંધ કરી કાયમી ભરતી કરાય
- થોડા સમય પહેલાં સરકારે આપેલી બાહેધરીઓ તાત્કાલિક પૂર્ણ કરાય

VTVના સળગતા સવાલ

- ડૉક્ટર-સરકારની લડાઈમાં દર્દીઓનો શું વાંક?
- તબીબોની હડતાળના કારણે દર્દીઓને મુશ્કેલી પડી રહી છે તેનુ શું?
- દર્દીઓને સમયસર સારવાર ન મળે તો જવાબદાર કોણ?
- દર્દી તબીબોને ભગવાનનો દરજ્જો આપે છે તો તબીબો ક્યારે સમજશે?
- ઊંચુ પગાર ધોરણ હોવા છતાં તબીબોની ભૂખ કેમ નથી સંતોષાતી?
- દર્દીઓને પડી રહેલી હાલાકી કોણ સમજશે?
- શું સરકાર આ મુદ્દે કોઈ કાર્યવાહી ન કરી શકે?

Doctors Strike gujarat health workers protest gandhinagar ડોકટરોની હડતાળ ગુજરાત આરોગ્ય કર્મી વિરોધ ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ