હેલ્થ / આ સંકેતોને ન કરશો ઇગ્નોર, હોઇ શકે છે કાનનું કેન્સર

કાનમાં થતું કેન્સર એક ટ્યૂમરના રૂપે કાનની અંદર અને બહાર બંને જગ્યા પર થાય છે. આ કેન્સરની કોશિકાઓને મેડિકલની ભાષામાં 'સ્કાવમસ સેલ કાર્સીનોમા' નામથી પણ ઓળખવામાં આવે છે. જે કેન્સરના સ્વરૂપે શરીરમાં ફેલાવા માંડે છે.

કાનના કેન્સરના લક્ષણ 

આજકાલ લોકોની લાઇફસ્ટાઇલમાં મોટો બદલાવ આવી રહ્યો છે. માનવી ગંભીર બીમારીઓની ચપેટમાં આવી રહ્યો છે. જેમાં કેન્સરની બીમારીના દર્દીમાં ધીરે ધીરે વધારો થઇ રહ્યો છે. કોઇપણ પ્રકારના કેન્સર થવા પર કેટલાક જરૂરી સંકેત જરૂર જોવા મળે છે. જેને લોકો ધ્યાનમાં લેતા નથી. અહીં અમે તમને કાનના કેન્સરની બીમારી અંગેના લક્ષણો વિશે જણાવીશું, જેને આપે જરૂર ધ્યાનમાં લેવી જોઇએ.

કાનમાંથી પાણી નીકળવું

કાનમાંથી પાણી જેવા લિક્વિડ અથવા લોહી નીકળતું હોય તો તેને ઇગ્નોર ન કરવું.

ડેમેજ ઇઅરડ્રમ

જો આપને લાગે છે કે આપના ઇઅરડ્રમ ડેમેજ થઇ ગયા છે તો તત્કાળ તપાસ કરાવો. 
 

કાનનું ઇન્ફેક્શન

જો કાનમાં દુખાવો અથવા ઇન્ફેક્શન થાય છે તો તેના તરફ અચૂક ધ્યાન આપવુ જોઇએ. તે ગંભીર સમસ્યા થઇ શકે છે. 

કાન બંધ થઇ જવા

ઘણીવાર એવું થાય છે કે કાનમાં પાણી જતુ રહે છે જેના કારણે કાન બંધ થઇ જતા હોય છે. પંરતુ કોઇ કારણે સંભળાતુ બંધ થઇ જાય તો તેને સહજ ન લેવું જોઇએ.

કાનમાં ખણ આવવી

આમ તો કાનમાં જમા મેલને કારમે કાનમાં ખણ આવતી હોય છે પરંતુ જો કાનમાં વધારે સમય ખણ આવતી હોય તો તત્કાળ ડોક્ટર પાસે ચેક કરાવો જોઇએ.

કાનમાં તેજ દુખાવો થવો

જો મોંઢુ ખોલવા સમયે કાનમાં તેજ દુખાવો થવા લાગે છે તો કાનમાં કેન્સરનો ખતરો હોઇ શકે છે. તેથી આ સંકેતને બિલકુલ સહજ ન લો.

માથાનો દુખાવો અથવા ઉલટી

આ ઉપરાંત કાનના દુખાવા સાથે માથામાં દુખાવો અને ઉલટી આવે તો સાવચેત થઇ જજો. કેમકે તે ગંભીર સમસ્યા થઇ શકે છે.