ગુજરાતમાં શું દરેક સરકારી ભરતી કૌભાંડથી જ થાય છે?.રાજ્યમાં સરકારી નોકરી માટે તમારે પૈસા આપવા જ પડે છે?. ગૌણ સેવા પસંદગી મંડળની ભરતીનો વિવાદ હજુ શાંત પડ્યો નથી ત્યાં વિદ્યાર્થી નેતા યુવરાજસિંહે વધુ એક મોટો ધડાકો કર્યો છે.
70 હજારમાં MPHWના સર્ટિ આપે છે કૌભાંડીઓ
વિદ્યાર્થી નેતા યુવરાજસિંહે મહત્વનો દાવો કરતાં કહ્યું છે કે ખોટા ડિગ્રી સર્ટિફિકેટથી અનેક લોકોએ જરૂરિયાત મંદ વિદ્યાર્થીની જગ્યાનું સ્થાન મેળવ્યૂ છે. અત્યાર સુધી અલગ-અલગ 8 વિભાગની ભરતીઓ થઈ છે. ખોટા ડિગ્રી સર્ટિફિકેટ દર્શાવી અનેક લોકોએ નોકરી મેળવી લીધી છે. આરોગ્ય વિભાગની ભરતીમાં બહારના રાજ્યોના સર્ટી ઘરેબેઠા લાવવામાં આવ્યા છે. MPHWનો કોર્સ એક વર્ષનો હોય છે. જ્યારે પરીક્ષાઓ જાહેર થતાં 70 હજારમાં MPHWના સર્ટિ 40 દિવસમાં મેળવાય છે
પત્રકાર પરિષદ કરી યુવરાજસિહે શું દાવો કર્યો?
અમે વીડિયો-ઓડિયા સાથેના પુરવા આપી રહ્યા છે
ઉર્જા વિભાગમાં બહારની યુનીના ખોટા સર્ટી અપાયા છે
રાજ્યમાં ખોટા સર્ટિફિકેટ આપનાર એજન્ટો છે
મોડાસાની લોર્ડ ક્રિષ્ના એકેડેમી વિવાદમાં
યુવરાજસિંહે લોર્ડ ક્રિષ્ના એકેડેમી સામે કર્યા આક્ષેપ
આર.એમ. પટેલ લોર્ડ ક્રિષ્ટા ટ્રસ્ટ ચલાવી રહ્યા છે
પશુધન નિરીક્ષકની 2018ની ભરતીમાં 60 લોકોના સર્ટી
યુવરાજસિંહે વધુમાં કહ્યું હતું કે ઉર્જા વિભાગની નોકરીઓમાં પણ સ્કેમ ચાલે છે. પશુધન નિરીક્ષકની 2018ની ભરતીમાં 60 લોકોના સર્ટી ખોટા રજૂ કરી નોકરી લીધો હોવાનો પણ તેમણે દાવો કર્યો છે. યુવરાજસિંહના આરોપ મુજબ જાહેરાત આવતાની સાથે જ બહારની યુનિવર્સિટીથી સર્ટિ. લેવાય છે. જેના માટે કૌભાંડીઓ એક ખોટી ડિગ્રી આપવા 60 થી 70 હજાર રૂપિયા સુધીની રકમ પડાવી લે છે.
વિદ્યાર્થી નેતા યુવરાજસિંહે અનેક ભરતીમાં થતી ધાંધલી મામલે રજૂઆત કરી
ઉર્જા વિભાગની નોકરીઓમાં પણ સ્કેમ ચાલતું હોવાનો દાવો
UGVCL, PGVCL, DGVCL દ્વારા લેવાયેલી ઑનલાઇન પરીક્ષા માં કૌભાંડ