રાજકારણ / હાથરસ કાંડને લઈને દેશમાં ગુસ્સો, પ્રિયંકા ગાંધી પીડિત પરિવારને મળશે, તેમણે ટ્વવીટ કરી કહ્યું...

• હાથરસ ગેંગરેપની ઘટનાને લઈને દેશમાં ગુસ્સો જોવા મળી રહ્યો છે
• પ્રિયંકા ગાંધી વાડ્રા આજે પીડિતાના પરિવારને મળવા માટે હાથરસ જશે
• પ્રિયંકાએ યૂપીના સીએમ યોગી આદિત્યનાથના રાજીમાની માંગ કરી હતી

આ પહેલા પીડિતાની મોત સમયે પ્રિયંકાએ પરિવાર સાથે વાત કરી હતી. આ મામલો સામે આવ્યા બાદ પ્રિયંકાએ યૂપીના સીએમ યોગી આદિત્યનાથના રાજીમાની માંગ કરી હતી.

પ્રિયંકા ગાંધી વાડ્રા તરફથી યુપી સરકાર પર નિશાન સધાયું છે. તેમણે ટ્વીટ કરી લખ્યુ છે કે હાથરસ જેવી વિભત્સ ઘટના બલરામપુરમાં બની, યુવતીનો બળાત્કાર કરી પગ અને કમર તોડી નંખાઈ છે. આજમગઢ, બાગપત, બુલંદશહેરમાં બાળકીઓ સાથે દરિંદગી થઈ છે. યુપીમાં ફેલાયેલા જંગલરાજની આ હદ છે. માર્કેટિંગ, ભાષણોથી કાયદાની વ્યવસ્થા નથી ચાલતી. મુખ્યમંત્રીના જવાબનો સમય છે જનતાને જવાબ જોઈએ છે.

આ ઘટનામાં SITએ પોતાની તપાસ શરુ કરી છે. ગૃહસચિવ ભગવાન સ્વરુપની આગેવાનીમાં બનેલી SITની ટીમે પીડિત પરિવારની મુલાકાત લીધી છે. બીજી તરફ નિર્ભયાની માતાએ પીડિતાના પરિવારની તરફ મદદનો હાથ લંબાવ્યો છે. તેણે કહ્યું પરિવારને શક્ય મદદ કરીશ.

ઉલ્લેખનીય છે કે UPના હાથરસમાં યુવતી પર ગેંગરેપના મામલામાં પીડિતાનું સફદરજંગ હોસ્પિટલમાં અવસાન થયું છે.  યુવતીના સંબંધીઓએ આ વાતની પુષ્ટિ કરી છે. 15 દિવસ પહેલા  14 સપ્ટેમ્બરના રોજ હાથરસમાં યુવતી પર ગેંગ રેપ થયો હતો. 4 આરોપીઓએ યુવતી સાથે ક્રૂરતા પૂર્વક દુષ્કર્મ આચર્યું હતું. યુવતીને અત્યંત ગંભીર હાલતમાં હોસ્પિટલ દાખલ કરાઈ હતી.  હોસ્પિટલમાં સારવાર દરમિયાન યુવતીએ જીવ ગુમાવ્યો હતો. ઘટનાની જાણ કોઈને ન કરી શકે તે માટે નરાધમોએ તેની કરોડરજ્જુ તોડી નાંખ્યો હતો. તેની જીભ પણ કાપી નાંખી બર્બરતા આચરી હતી.  ઉલ્લેખનીય છે કે પીડિતાએ ચાર આરોપીઓની ઓળખ કરી છે. રામુ, લવકુશ, રવિ અને સંદીપ નામના નરાધમોની ઓળખ કરાઈ છે.