ભારતમાં કોરોના વાયરસના કેસ સતત વધી રહ્યા છે ત્યારે દેશમાં ઘણા સમયથી એક સવાલ ઉભો થઇ રહ્યો છે શું દેશમાં કમ્યુનિટી સ્પ્રેડ થઇ રહ્યું છે. આજે સ્વાસ્થ્ય મંત્રીએ આ મુદ્દે મોટું નિવેદન આપ્યું છે.
ભારતમાં અમુક રાજ્યોમાં છે કોરોનાનું કમ્યુનિટી સ્પ્રેડ
હર્ષવર્ધને કહ્યું કે કમ્યુનિટી સ્પ્રેડ વિશેષ રૂપે તે ગીચ વિસ્તારોમાં જોવા મળી રહ્યું છે
જોકે આ માત્ર સીમિત રાજ્યોના અમુક જિલ્લા સુધી જ સીમિત છે : હર્ષવર્ધન
કેન્દ્રીય સ્વાસ્થ્ય મંત્રીએ રવિવારે આખરે રવિવારે સ્વીકાર કર્યું કે કોરોના વાયરસ સંક્રમણના મામલે ભારતમાં કોમ્યુનીટી ટ્રાન્સમિશનના ચરણમાં પહોંચી ગયો છે. જોકે આ સાથે તેમણે એમ પણ કહ્યું કે આ માત્ર અમુક જિલ્લા અને રાજ્યો સુધી જ સીમિત છે. તેમનું આ નિવેદન પ.બંગાળના મુખ્યમંત્રી મમતા બેનર્જીના નિવેદન બાદ આવ્યું છે જેમાં તેમણે કહ્યું હતું કે રાજ્યઆ કોરોના વાયરસ પર કમ્યુનિટી સ્પ્રેડ શરુ થઇ ગયું છે.
સંડે સંવાદમાં સ્વાસ્થ્ય મંત્રી વાત કરી રહ્યા જે દરમિયાન એક સવાલના જવાબમાં આ નિવેદન સામે આવ્યું છે. તેમણે કહ્યું કે પ.બંગાળ સહીત વિભિન્ન રાજ્યોમાં અલગ અલગ ક્ષેત્રોમાં કમ્યુનિટી સ્પ્રેડની આશંકા છે અને વિશેષ રૂપે તે ગીચ વિસ્તારોમાં જોવા મળી રહ્યું છે. જોકે દેશભરમાં આવું નથી થઇ રહ્યું. આ સીમિત રાજ્યોના અમુક જિલ્લા સુધી જ સીમિત છે.
નોંધનીય છે કે ભારતમાં કોરોના વાયરસ મહામારી શરુ થઇ ત્યારથી જ સ્વાસ્થ્ય મંત્રીએ આજે પહેલી વાર કમ્યુનિટી સ્પ્રેડ હોવાની વાત સ્વીકારી છે. આ પહેલા દર વખતે તેમણે કહ્યું હતું કે કોરોના વાયરસ પર કમ્યુનિટી ટ્રાન્સમિશન નથી.
આ સિવાય હર્ષવર્ધને નાકથી આપવામાં આવતી કોરોના વાયરસ વેક્સિન પર પણ મોટું નિવેદન આપ્યું છે. હર્ષવર્ધને કહ્યું કે ભારતમાં અત્યારે કોઈ ઇન્ટ્રાનેજલ વેક્સિનનું ટ્રાયલ થઇ રહ્યું નથી પણ સીરમ ઇન્સ્ટીટયુટ હાલમાં અમેરિકન બાયોટેક કંપની સાથે મળીને કોડાજેનિક્સ વેક્સિન બનાવવાની શરૂઆત કરી દીધી છે. આ વેક્સિન ઇન્ટ્રાનેજલ હશે, જેનો એનિમલ ટ્રાયલ થઇ ગયો છે. હવે આ કંપની વર્ષના અંત સુધી યુકેમાં આ વેક્સિનનું ટ્રાયલ શરુ થશે. હર્ષવર્ધને કહ્યું કે આ વેક્સિન માટે યુકેમાં જ હ્યુમન ટ્રાયલ કરવામાં આવશે અને ભારતમાં કલીનીકલ ટ્રાયલની જવાબદારી સીરમ ઇન્સ્ટીટયુટ ઓફ ઇન્ડિયાના હાથમાં જ રહેશે.