VTV EXCLUSIVE / આખરે 'ભગવાન' સામે આવ્યા: ચણા કૌભાંડના આરોપો ફગાવી કહ્યું, પત્ની બીમાર હતી એટલે મીડિયાથી દૂર રહ્યો

• હારીજમાં ટેકાના ભાવે ચણાની ખરીદીમાં ગેરરીતિનો મામલો
• હારીજ APMCના ચેરમેન ભગવાન ચૌધરીનું નિવેદન 
• VTV ન્યૂઝ સાથેની વાતમાં ભગવાન ચૌધરીએ આક્ષેપ ફગાવ્યા 

સરકારે તપાસના આદેશ આપ્યા છે અમે સહકાર આપીશું: ભગવાન ચૌધરી

પાટણના હારીજ APMCમાં ટેકાના ભાવે ચણાની ખરીદીમાં ગેરરીતિ મામલે હારીજ APMCના ચેરમેન ભગવાન ચૌધરીનું મહત્વનું નિવેદન સામે આવ્યું છે. ભગવાના ચૌધરીએ  VTV NEWS સાથેની વાત-ચીતમાં તેમના પર લાગેલા તમામ આક્ષેપોને ફગાવી દીધા. ભગવાન ચૌધરી એ જણાવ્યું હતું કે હારીજ APMC પર લાગેલા તમામ આક્ષેપ પાયા વિહોણા, ટેકાના ભાવે ચણાની ખરીદી APMCની કોઇ ભૂમિકા નથી હોતી. સરકારે તપાસના આદેશ આપ્યા છે અમે સહકાર આપીશું એવું ભગવાન ચૌધરીએ જણાવ્યું હતું.

ગુજકોમાસોલ ખરીદી મંડળીને ખેડૂતોની યાદી મોકલે છેઃ ભગવાન ચૌધરી

તેમણે જણાવ્યું હતું કે, ગુજકોમાસોલ ખરીદમંડળીને ખેડૂતોની યાદી મોકલે છે. આમ ખેડૂતોના રજિસ્ટ્રેશન પ્રમાણે ખરીદી કરવામાં આવે છે. ટેકાના ભાવ વેચાણ માટે ખેડૂત પોતે જ રજિસ્ટ્રેશન કરાવે છે. લાંબી રજિસ્ટ્રેશન પ્રક્રિયામાંથી પસાર થવાનું હોય છે. રજીસ્ટ્રેશન માટે તલાટીનો દાખલો પણ આપવાનો હોય છે, સાંકરા ગામના ખેડૂતોએ પોતાની રીતે જ રજિસ્ટ્રેશન કરાવ્યું હતું. અંદાજે 14 હજાર બોરી ચણાની ખરીદી કરવામાં આવી છે.