ભારતીય ટીમના ઓલરાઉન્ડર હાર્દિક પંડ્યાની ઘડિયાળ મુંબઇ એરપોર્ટ પર જપ્ત થયા બાદ તેણે સફાઇ આપી છે અને કહ્યું કે ઘડિયાળ ક્યાંથી ખરીદવામાં આવી છે.
હાર્દિકે ઘડિયાળ વિવાદ પર આપી સ્પષ્ટતા
સોશ્યલ મીડિયા પર માહીતી ખોટી
મેં કસ્ટમ ડ્યુટી ભરી અને પેપર્સ પણ આપ્યા
હાર્દિકે આરોપ નકાર્યા
ખેલાડીએ કહ્યું કે આ આરોપો પાયા વિહોણા છે. હાર્દિકે કહ્યું ઘડિયાળની કિંમત 5 કરોડ નથી જેવું સોશ્યલ મીડિયા પર કહેવામાં આવી રહ્યું છે. આ ઘડિયાળ 1.5 કરો રૂપિયાની છે.
હાર્દિકે કર્યુ ટ્વિટ
પંડ્યાએ ટ્વિટ કર્યું અને કહ્યું કે 15 નવેમ્બરની સવારે હું દુબઇથી પરત આવી રહ્યો હતો ત્યારે હું મારું બેગ લઇને જાતે જ કસ્ટમ કાઉન્ટર પર ગયો અને લાવેલી બધી વસ્તુઓ આપી, કસ્ટમ ડ્યુટી ભરી. સોશ્યલ મીડિયા પર આ વસ્તુઓને ખોટી રીતે ફેલાવવામાં આવી રહી છે. હું સત્ય કહેવા માંગુ છું. દુબઇથી જે સામાન મે ખરીદ્યો હતો વાપસી વખતે મેં જાતે જ તેની જાણકારી આપી હતી અને કસ્ટમ ડ્યુટી ભરી હતી. કસ્ટમ ડિપાર્ટમેન્ટે જરૂરી દસ્તાવેજ માંગ્યા છે જે અમે આપી રહ્યાં છીએ. સાથે જ ઘડિયાળની કિંમત 5 કરોડ નહી પરંતુ 1.5 કરોડ રૂપિયા છે.
હાર્દિકે કહ્યું હું કાયદાની રીતે ચાલનારો માણસ છું હું દરેક સરકારી એજન્સીનું સન્માન કરું છું. જે પણ કાગળની જરૂર છે તે કસ્ટમ વિભાગને આપવા માટે તૈયાર છું અને મારા પર જે પણ આરોપ લાગ્યા છે તે ખોટા છે.
શું હતી ઘટના?
તમને જણાવી દઇએ કે સોમવારે મોડી સાંજે આ જાણકારી આવી હતી કે હાર્દિક પાસેથી 5 કરોડની 2 ઘડિયાળો જપ્ત કરી દેવામાં આવી છે. 2020માં પણ હાર્દિક તેમજ કુનાલ પાસેથી આ જ રીતે ઘડિયાળો જપ્ત કરી લેવામાં આવી હતી