ભારતીય ઓલરાઉન્ડર ક્રિકેટર હાર્દિક પંડ્યા પોતાની સ્ટાઈલિશ અંદાજને કારણે ખુબ જ જાણીતો છે. તો થોડા મહિનાઓ પહેલા જ તેણે બિગ બોસની કન્ટેસ્ટન્ટ રહી ચુકેલી નતાશા સ્ટાનકૉવિચ સાથે સગાઇ કર્યાની તસવીર સોશિયલ મીડિયામાં શેર કરીને સૌ કોઇને ચોંકાવી દીધા હતા ત્યારે આજરોજ ફરીએકવાર હાર્દિક પંડ્યાએ પોતાના ઇન્ટાગ્રામ એકાઉન્ટ પર એક તસવીર મુકીને સૌને ચોંકાવી દીધા છે.
હાર્દિક પંડ્યાએ પત્ની નતાશા સાથે શેર કરી તસવીર
સોશિયલ મીડિયા પર થઇ વાયરલ
પ્રાપ્ત થતી જાણકારી પ્રમાણે ગુજરાતી ક્રિકેટર હાર્દિક પંડ્યાએ પત્ની નતાશા સ્ટાનકૉવિચ પ્રેગ્નન્ટ હોય તેવો એક ફોટો તેણે ઇન્ટાગ્રામ પર શેર કર્યો હતો.
આ સાથે જ હાર્દિકે કેપ્શનમાં લખ્યું હતું કે, હું અને નતાશા એક સરસ મુસાફરી કરી રહ્યા છીએ અને હજી કરવાના છીએ. એક નવા જીવને આવકારવા માટે પણ અમે ઉત્સાહી તથા રોમાંચિત છીએ. અમે તમારા આશિર્વાદ અને શુભેચ્છાઓ માગી રહ્યા છીએ.
નોંધનીય છે કે ટીમ ઈન્ડિયાઆ વિસ્ફોટક ઓલરાઉન્ડર હાર્દિક પંડ્યાએ આ વર્ષનાં પ્રથમ દિવસે જ નતાશા સાથે દુબઈમાં સગાઇ કરી હતી. નતાશા વર્ષ 2012માં બોલિવૂડમાં કામ કરવા માટે સર્બિયાથી મુંબઈ આવી હતી.
તેમણે મોડલ તરીકે ભારતમાં ઘણા વિજ્ઞાપનોમાં કામ કરેલ છે. નતાશાએ પોતાના કરીયરની શરુઆત મોડલ તરીકે ભારતમાં જ કરી, તેમણે જોન્સન એન્ડ જોન્સન સિવાય અન્ય કેટલીક બ્રાન્ડ માટે કામ કરેલ છે.