બનાસકાંઠા / અડધા ગ્લાસે....ભૂપેન્દ્રસિંહ ચુડાસમાના ટ્વિટ પર પાણી ફેરવ્યું, લોકોએ કર્યો ટ્રોલનો વરસાદ, વાંચો લોકોએ શું આપ્યો પ્રતિસાદ?

• ગત રોજ ભૂપેન્દ્રસિંગ ચુડાસમાં લગ્ન પ્રસંગે લાખણી ગયા હતા
• જ્યાં તેઓએ ગેળા હનુમાનજીનાં મંદિરે દર્શન કર્યા
• રોકાણ માટે સર્કીટ હાઉસ પહોંચ્યા હતા

પૂર્વ મંત્રીને હાસ્યાસ્પદ રીતે સોશિયલ મીડિયા પર આડેહાથ લીધા
ભૂપેન્દ્રસિંહ ચુડાસમાં લગ્નન પ્રસંગે આવ્યા હોઈ તેઓએ રોકાણ લાખણી સર્કીટ હાઉસ ખાતે કર્યું હતું. ત્યારે પૂર્વ મંત્રી સર્કીટ હાઉસ ખાતે પહોંચતા ચોકીદાર દ્વારા તેઓને પાણી આપ્યું હતું. ત્યારે પાણીનો બગાડ ન થાય તે માટે ચોકીદાર દ્વારા પૂર્વ મંત્રીને અડધો ગ્લાસ જ પાણી આપ્યું હતું.  પૂર્વ મંત્રીએ ચોકીદારને અભિનંદન પણ આપ્યા હતા. ત્યારે પૂર્વ મંત્રીનો હજુ પણ મંત્રી તરીકેનો પાવર ન ઉતરતો હોય તેમ ચોકીદાર દ્વારા તેમને આપવામાં આવેલ અડધો ગ્લાસ પાણીનાં ગ્લાસ સાથેનો ફોટો તેમના ટ્વિટર એકાઉન્ટમાં ટ્વિટ કર્યો હતો. આ ફોટા પર અનેક લોકોએ તેમને હાસ્યાસ્પદ કોમેન્ટો કરી પૂર્વ મંત્રીને મજાકમાં સોશિયલ મીડિયા પર આડે હાથ લીધા હતા.

લાખણી સર્કીટ હાઉસ ખાતે ચોકીદારે અડધો ગ્લાસ પાણી આપ્યું, મેં તેને અભિનંદન આપ્યા. pic.twitter.com/z70wWzMb8c

— Bhupendrasinh Chudasama (@imBhupendrasinh) February 9, 2023

યુઝર્સે તેમનાં મનની વાત કોમેન્ટ સ્વરૂપે પૂર્વ મંત્રીનાં ટ્વિટર પર રજૂ કરી
સોશિયલ મીડિયામાં લોકોએ કરેલ કોમેન્ટનાં થોડાક અંશ પર નજર કરીએ ત્યારે યુઝર્સે પૂર્વ મંત્રીની મઝા લઈ રહ્યા હોય તેમ એક યુઝર્સે તો લખ્યું કે મેં નહેરૂ બ્રિજ પતંગ હોટલ પાસે એક છોકરીને ટોપરૂ આપ્યું એ લઈને જતી રહી.... પૂર્વ મંત્રી પણ તેમના શુભ ચિંતકોની આ કોમેન્ટો જોઈને હાસ્ય અનુભવતા હશે...... ઘણા યુઝર્સે પૂર્વ મંત્રીને તેઓનાં  મનની વાત ટ્વિટર પર લખી હતી. 

સોશ્યલ મીડિયા યુઝર્સે પૂર્વ મંત્રીને જુઓ કેવા ટ્રોલ કર્યા: