વાળને ડ્રાય થતા બચાવવા માટે લોકો તેમાં ગરમ તેલ લગાવવાનું પસંદ કરે છે. પરંતુ શું તમે જાણો છો કો ગરમ તેલ લગાવવાથી વાળને શું ફાયદો કે નુકસાન થાય છે ?
વાળને ડ્રાય થતા બચાવવા આટલું કરો
વાળમાં ગરમ તેલ લગાવવું કે ઠંડુ?
ગરમ તેલના ફાયદા અને નુકસાન જાણો
વાળની સાર સંભાળ અને તેમને ડ્રાય થતા બચાવવા માટે નિયમિત રીતે ઓઈલ લગાવવું ખૂબ જ જરૂરી છે. તમે પોતાના વાળને સુટ થાય તે હિસાબથી કોઈ પણ તેલનો ઉપયોગ કરી શકો છો.
શું વાળમાં ગરમ ઓઈલનો ઉપયોગ યોગ્ય છે?
હાલ શિયાળાની ઋતુ ચાલી રહી છે. માટે હાલ ઘણા લોકો વાળમાં ગરમ તેલ લગાવવાનું પસંદ કરે છે. માનવામાં આવે છે કે આમ કરવાથી વાળને ડેન્ડ્રફથી મુક્તિ મળે છે. ત્યાંજ ઘણા લોકોનું કહેવું છે કે વાળમાં ગરમ તેલ લગાવવાથી તે ખૂબ જ જલ્દી સફેદ થઈ જાય છે. એવામાં કન્ફ્યુઝન એ છે કે વાળમાં ગરમ તેલ લગાવવું કે ઠંડુ. આવો જાણીએ.
શિયાળામાં હુફાળુ તેલ જ ફાયદાકારક
શિયાળામાં વાળમાં ગરમ કે ઠંડુ તેલ નહીં પરંતુ હુફાળુ તેલ લગાવવું જોઈએ. એવામાં તમારે તેલને હલ્કુ ગરમ કરી લેવુ જોઈએ. આમ કરવાથી તેમાં રહેલા પોષક તત્વો નષ્ટ નહીં થાય અને વાળનો ગ્રોથ સારી રીતે થશે.
માથાના વાળ થઈ શકે છે કમજોર
ગરમ ઓઈલ વાળના મુળને કમજોર કરે છે. જો તમે વાળમાં વધુ ગરમ તેલનો ઉપયોગ કરો છો તો તેનાથી તમારા માથાના વાળ ડેમેજ થઈ શકે છે. તેની સાથે જ માથાના વાળ ખરવા અને સફેદ થવાની સમસ્યા પણ થઈ શકે છે.
ખોપડી પર પડે છે અસર
જો તમારા માથાના વાળ ઓઈલી છે તો ક્યારેય પણ વધારે ગરમ તેલ ન લગાવો. તેનાથી માથામાં ખંજવાળ અને ડેન્ડ્રફની સમસ્યા પણ થઈ શકે છે. આટલું જ નહીં. વધારે ગરમ તેલ લગાવવું માથાની ખોપડી પર પણ અસર કરે છે.
એલર્જી હોય તો ન લગાવો ગરમ તેલ
બધા લોકોની સ્કીન અલગ અલગ હોય છે. એવામાં કોઈ પણ ગરમ તેલ યુઝ કર્યા પહેલા તેને થોડુ ટેસ્ટ જરૂર કરી લો. જો તેને લગાવ્યા બાદ તમને ખંજવાડ અથવા બળતરા કે ફોલ્લીઓની સમસ્યા થવા લાગે તો સમજી લો કો તે તેલની તમને એલર્જી છે. એવામાં તે તેલને ગરમ કરવાની જગ્યા પર નોર્મલ રૂપથી લગાવો. તેનાથી તમારે વધારે ફાયદો મળશે.
આ રીતે તેલ લગાવવાથી વધારે ફાયદો થશે
હુંફાળા તેલને રાતમાં લગાવવાથી વધુ ફાયદો થશે. જો રાતમાં ન લગાવી શકો તો સવારે વાળ ધોવાના 1,2 કલાક પહેલા લગાવી લો. તેનાથી વાળને વધારે મજબૂતી મળી જશે. જેટલુ તેલ એક વખતમાં ઉપયોગ કરી સકો છો. તેટલું જ ગરમ કરો, તેને વારંવાર ગરમ ન કરો. તેનાથી નુકસાન થઈ શકે છે.