ગુજરાતનાં સુરત શહેરનાં સગીરાઓ સાથેનાં દુષ્કર્મનાં ચોંકાવનારા આંકડા સામે આવ્યાં છે. જેમાં 80 ટકા આરોપી સંબંધીઓ, પડોશી અને સ્વજનો હોય છે. ત્યારે સુરત પોલીસે આ અંગ 3 મહિનાંથી જાગૃતતા અભિયાન શરું કર્યુ છે. સુરત પોલીસના સગીરાઓ સાથેનાં દુષ્કર્મનાં કેસોમાં થયો ચોંકાવનારો ખુલાસો...
સુરત પોલીસનાં બાળકીઓ સાથે થયેલા રેપનાં આંકડા ચોંકાવનારા
80 ટકા આરોપીઓ પરિચિત હોય છે
સુરત પોલીસે 8.50 લાખ લોકોને જાગૃત કર્યા
સગીરા સાથેનાં દુષ્કર્મનાં ચોંકાવનારા આંકડા
છેલ્લા 21 મહિનામાં સુરતનાં અલગ અલગ પોલીસ સ્ટેશનમાં નોંધાયેલા 24 સગીરાઓનાં દુષ્કર્મનાં કેસમાં 18 આરોપી પડોસી અને સંબંધી હતા. જ્યારે કે 6 કેસમાં બોળકીઓને ચોકલેટની લાલચ આપી દુષ્કર્મ આચરવામાં આવ્યું હતું. ચોંકાવનારી વાત એ છે કે 3 વર્ષમાં 2012થી 19 સુધીમાં 348 કેસ સામે આવ્યાં છે. જેમાં 257 કેસમાં આરોપીઓ પડોશી અને પરિચિત હતાં. 4 કેસમાં તો આરોપી પિતા અને ભાઈ હતા. જ્યારે 87 કેસમાં આરોપી અજાણ્યા લોકો હતા.
પોલીસે 8.50 લાખ લોકોને જાગૃત કર્યા
આ ગંભીર આંકડાને જોઈને સુરત પોલીસે 3 મહિનાથી જાગૃતતા અભિયાન શરું કર્યું છે. જેમાં તેઓ અત્યાર સુધીમાં 500 જેટલી સોસાયટી અને સ્કુલોનાં મળીને 8.50 લાખ લોકોને આ મામલે જાગૃત કરી ચૂક્યાં છે. પોલીસ કમિશનર આરબી બ્રહ્મભટ્ટે જણાવ્યું હતું કે બાળકીઓ સાથે આ પ્રકારના બર્બરતા ભર્યા ગુના આપણા માટે પડકાર સમાન છે.