પરીક્ષા / આ તારીખે યોજાશે ગુજકેટની પરીક્ષા, માળખું વેબસાઇટ પર જાહેર કરવામાં આવ્યું

• ગુજકેટની પરીક્ષાની તારીખ જાહેર 
• 6 ઓગસ્ટે ગુજકેટની પરીક્ષા લેવામાં આવશે 
• સવારના 10 થી સાંજના 4 વગ્યાના સમયે લેવાશે પરીક્ષા 

રાજ્યમાં આ વર્ષે કોરોનાને કારણે ધોરણ 12 સાયન્સની પરીક્ષા રદ કરવામાં આવી , સાથેજ વિદ્યાર્થીઓને માસ પ્રમોશન આપવામાં આવ્યું હતું. જોકે હવે ગુજકેટની પરીક્ષા વિદ્યાર્થીઓને આપવી પડશે જેની તારીખ જાહેર કરી દેવામાં આવી છે. આગામી 6 ઓગસ્ટના રોજ ગુજકેટની પરીક્ષા લેવામાં આવશે. જેને લઈને વિદ્યાર્થીઓમાં ખુશીનો માહોલ જોવા મળી રહ્યો છે.

સવારના 10  સાંજના 4નો સમય 

ગુજકેટની પરિક્ષા રાજ્યના અલગ અલગ જિલ્લા મથકે યોજવામાં આવશે તેવી માહિતી સામે આવી છે. સાથેજ આ પરિક્ષાનો સમય સવારના 10 થી સાંજના 4 વાગ્યા સુધીનો રાખવામાં આવ્યો છે. આ પરિક્ષા વિદ્યાર્થીઓ ગુજરાતી, હિન્દી તેમજ અંગ્રેજી એમ ત્રણેય ભાષામાં આપી શકશે. જેથી વિદ્યાર્થીઓને ભાષાને લઈને કોઈ તકલીફ નહી પડે.

વેબસાઈટ પર માળખું મુકવામાં આવ્યું 

ગુજકેટની પરીક્ષાનું માળખું વેબસાઈટ પર મુકી દેવામાં આવ્યું છે. સાથેજ સમય મર્યાદાની વિગત પણ બોર્ડની વેબસાઈટ પર મુકવામાં આવી છે. જેથી સમય મર્યાદા પહેલા વિદ્યાર્થીઓએ પરિક્ષાનું રજિસ્ટ્રેશન કરાવાનું રહેશે. પરીક્ષા રાજ્યના અલગ અલગ જિલ્લા મથકો પર રાખવામાં આવી છે. જેથી વિદ્યાર્થીઓને કોઈ પણ તકલીફ નહી પડે. 

કોરોના પ્રોટોકોલનું પાલન 

ઉલ્લેખનીય છે કે પરીક્ષામાં કોરોના ગાઈડલાઈનનું કડક પાલન કરવામાં આવશે. જેમા ખાસ વિદ્યાર્થીઓને સોશિયલ ડિસટન્સીંગ સાથે બેસાડવામાં આવશે. ઉપરાંત માસ્ક પણ ફરજિયાત દરેક વિદ્યાર્થીઓને પહેરીનેજ પરિક્ષા આપવી પડશે.