UGCના નિર્દેશ બાદ ગુજરાત યુનિવર્સિટીએ મહત્વનો નિર્ણય લીધો છે. ઓગસ્ટના બીજા સપ્તાહમાં પરીક્ષા યોજાશે. જેમાં ફાઈનલ યરના વિદ્યાર્થીઓ માટે પરીક્ષા યોજવામાં આવશે.
ગુજરાત યુનિ.નો મહત્વનો નિર્ણય
ઓગસ્ટના બીજા સપ્તાહમાં યોજાશે ફાઈનલ યરના વિદ્યાર્થીઓની પરીક્ષા
ઓનલાઈન પરીક્ષા કે MCQનો વિકલ્પ નહીં
ઉલ્લેખનીય છે કે,પરીક્ષામાં ઓનલાઈન કે MCQનો વિકલ્પ નહીં મળે. સેન્ટર માટે અગાઉ વિદ્યાર્થીઓએ રજીસ્ટ્રેશન કરાવ્યું હશે તે જ રહેશે. પરીક્ષાનો સમય પણ ત્રણ કલાકના બદલે 2 કલાકનો રહેશે. UGCના સેમેસ્ટર 6 અને PGમાં સેમેસ્ટર 4ના વિદ્યાર્થીઓની પરીક્ષા લેવાશે.
ઓગસ્ટના બીજા અઠવાડિયામાં પરીક્ષા યોજાશે
વિદ્યાર્થીઓએ જે જિલ્લામાં પોતાના કેન્દ્રની પસંદગી નિશ્ચિત કરી હશે, તે મુજબ ફાળવવામાં બેઠક વ્યવસ્થા ફાળવવામાં આવશે. માસ્ક, સેનેટાઇઝર અને સોશિયલ ડિસ્ટનસિંગ સહિતની ગાઈડલાઈનના પાલન સાથે ઓગસ્ટના બીજા અઠવાડિયામાં પરીક્ષા યોજાશે.
ગૃહ મંત્રાલયેે પરીક્ષા લેવાની આપી છે પરવાનગી
આપને જણાવી દઇએ કે, દેશના ગૃહ મંત્રાલયે એક પત્ર લખીને કેન્દ્રીય ઉચ્ચ શિક્ષણ સચિવને યુનિવર્સિટીઓ અને શૈક્ષણિક સંસ્થાઓમાં પરીક્ષાઓ લેવાની પરવાનગી આપી છે. ફાઈનલ ટર્મની પરીક્ષા ફરજીયાત UGCની ગાઈડલાઈન્સ અને કેન્દ્રીય આરોગ્ય મંત્રાલયના સ્ટાન્ડર્ડ ઓપરેટીંગ પ્રોસીજરના કડક અમલીકરણ હેઠળ યોજાશે તે બાબત ઉપર ગૃહ મંત્રાલયે ભાર મુક્યો હતો.
શું કહ્યું છે પત્રમાં
ગૃહ મંત્રાલય દ્વારા જાહેર કરાયેલા પત્ર મુજબ ફાઇનલ ટર્મની પરીક્ષાઓ ફરજિયાત રહેશે અને યુજીસીની માર્ગદર્શિકા મુજબ લેવામાં આવશે. તેમજ આરોગ્ય મંત્રાલય દ્વારા જારી કરવામાં આવેલી સ્ટાન્ડર્ડ ઓપરેટિંગ પ્રોસીઝર (SOP)નું પણ પાલન કરવામાં આવશે.