ગુજરાતમાં છાશવારે દારૂના અડ્ડા ઉપર જનતારેડ પાડે છે. ત્યારે સામાન્ય માણસ ટ્રાફિક રૂલ્સ પણ તોડે તો ઘરે મેમો મોકલતુ તંત્ર શું દારૂના અડ્ડાને ડિટેક્ટ નહીં કરી શકતી હોય? અમદાવાદમાં ડોનાલ્ડ ટ્રમ્પ આવવાને છે તો મોટેરા વિસ્તારમાં ઘરે ઘરે જઈને સુરક્ષાના કારણો સર તપાસ કરતું તંત્ર તેમના જ નાક નીચે ચાલતા દારૂના વેપારને જાણી જોઈને અણદેખ્યો કરે છે કે પછી એમાંથી ખુદ તંત્રને જ મલાઈદાર મસ્કો મળે છે? સાબરકાંઠામાં દારૂના અડ્ડા પરની જનતા રેડ રેઢિયાળ તંત્રનો બોલતો પુરાવો છે.
સાબરકાંઠાના ઇડરના આરસોડિયા ગામે જનતા રેડ
દેશી દારૂના અડ્ડા પર સ્થાનિકોએ કરી જનતા રેડ
રેડ દરમિયાન મોટી માત્રામાં દારૂનો જથ્થો મળ્યો
સાબરકાંઠા જિલ્લાના ઇડરના આરસોડિયા ગામે લોકોએ જનતા રેડ કરી હતી. ગામમાં ધમધમતા દેશી દારૂના અડ્ડા પર સ્થાનિકોએ જનતા રેડ કરી છે.
પોલીસની નિષ્ક્રિયતાને પગલે આક્રોશ
સ્થાનિકોની રેડ દરમિયાન મોટી માત્રામાં દારૂનો જથ્થો મળી આવ્યો છે. આ દારૂના જથ્થાને લોકોએ પોલીસને હવાલે કર્યો હતો. તો પોલીસની નિષ્ક્રિય કામગીરીથી ગામ લોકોમાં આક્રોશ જોવા મળ્યો હતો.
ઉઠી રહ્યા તે પ્રશ્નો
જનતા રેડ કરી શકે તો પોલીસ કેમ નહી?
શું બુટલેગરો પોલીસને સગાવહાલા થાય છે?
સામાન્ય ટ્રાફિક રૂલ્સ તોડો તોય સજા અને દંડ પણ બુટલેગરો બેફામ?