આજે સૌરાષ્ટ્ર, કચ્છ અને ઉત્તર ગુજરાતના બનાસકાંઠા, સાબરકાંઠા, અરવલ્લી, મોડાસામાં કમોસમી વરસાદ આગાહી કરાઇ છે
રાજ્યમાં ફરી થશે કમોસમી વરસાદ
અગામી 2 દિવસ રહેશે કમોસમી વરસાદ
લઘુતમ તાપમાન 3 થી 5 ડિગ્રી ઘટવાની શક્યતા
રાજ્યમાં 2 દિવસ રહેશે કમોસમી વરસાદ: હવામાન વિભાગ
રાજ્યમાં હવામાન વિભાગ દ્વારા હજી બે દિવસ માવઠાની આગાહી કરવામાં આવી છે, હવામાન વિભાગના જણાવ્યા પ્રમાણે આજે સૌરાષ્ટ્ર અને કચ્છમાં કમોસમી વરસાદની આગાહી કરવામાં આવી છે. આ ઉપરાંત રાજ્યના ઉત્તર ગુજરાતના બનાસકાંઠા, સાબરકાંઠા, અરવલ્લી ,મોડાસા અને મહેસાણા સહિત વરસાદની આગાહી કરવામાં આવી છે. હવામાન વિભાગે જણાવ્યું છે કે રાજ્યમાં ઠંડીનો ત્રીજો રાઉન્ડ શરૂ થશે અને રાજ્યમાં લઘુતમ તાપમાન ત્રણથી પાંચ ડિગ્રી ઘટતા ઠંડીનું પ્રમાણ વધશે. જ્યારે અમદાવાદ, ગાંધીનગર અને વડોદરા સહિત ઠંડી વધશે અને બે દિવસ કેટલાક વિસ્તારમાં વાદળછાયું વાતાવરણ રહેશે.
રાજ્યમાં ભરશિયાળે ચોમાસાનો માહોલ જોવા મળ્યો હતો.
વરસાદને કારણે ઠંડીનો પણ ચમકારો રહ્યો હતો. રાજ્યમાં વરસાદની આગાહીને કારણે ખેડૂતો પર માઠી દશા બેઠી હોય તેવી સ્થિતિનું સર્જન થયું છે. રાજ્યમાં ફરી વરસાદ અને ઠંડીનો સહન કરવા લોકોએ તૈયાર રહેવું પડશે.હાલ રાજ્યના જિલ્લાઓમાં 10 ડિગ્રીથી 17 ડિગ્રી લઘુતમ તાપમાન નોંધાયું હતું. તો બીજી તરફ આજે ઠંડા પવનો વહેલી સવારથી જ ફૂંકાઈ રહ્યા છે. ઉલ્લેખનીય છે કે, છેલ્લા 4 દિવસથી રાજ્યમાં ઠેર-ઠેર કમોસમી વરસાદી ઝાપટાં પડ્યાં હતાં. કમોસમી માવઠું વરસતા રાજ્યમાં લઘુતમ તાપમાનમાં ઘટાડો થતાં વાતાવરણમાં ઠંડક પ્રસરી ગઇ હતી.