IPLIN
 

સ્પષ્ટતા / LRD અને PSI બન્ને પરીક્ષા આપવા માગતા ઉમેદવારો માટે મોટા સમાચાર

Team VTV 05:10 PM, 23 Oct 21 | Updated: 05:16 PM, 23 Oct 21
Follow us
gujarat LRD PSI recruitment announcement ips hasmukh patel

લોક રક્ષક દળ(LRD)ની ભરતીની રાહ જોતા યુવાનો માટે મહત્વના સમાચાર સામે આવ્યા છે. લોકરક્ષકદળની ભરતી પ્રક્રિયા શરૂ કરી દેવામાં આવી છે. તો આ સાથે IPS હસમુખ પટેલે સ્પષ્ટતા પણ કરી છે.

  • PSI-LRD ભરતીનો મામલે સ્પષ્ટતા 
  • ભરતી બોર્ડના ચેરમેન હસમુખ પટેલની સ્પષ્ટતા
  • PSI-LRD માટે અલગ-અલગ અરજી કરવાની રહેશે
  • શારીરિક કસોટી બંનેની એકસાથે લેવામાં આવશે 

LRD અને PSI બન્નેની પરીક્ષા આપવા માગતા ઉમેદવારની શારીરિક કસોટી એક જ લેવાનો મહત્વપૂર્ણ નિર્ણય લેવાયો છે. આ પ્રકારના નિર્ણયો જ ભરતીને કોર્ટ-કચેરીમાં ફસાતી અટકાવે છે.

PSI અને LRD બન્નેમાં ફોર્મ ભર્યું હોય તેમના માટે સ્પષ્ટતા

PSI-LRD ભરતી માટે ઓનલાઇન અરજી કરવાનું શરૂ છે. ત્યારે PSI અને LRD માટે અલગ-અલગ અરજી કરવાની રહેશે. ભરતી બોર્ડના અધ્યક્ષ IPS હસમુખ પટેલે સ્પષ્ટતા કરી છે કે, જે ઉમેદવારોએ પો.સ.ઇની ભરતી માટે ફોર્મ ભરેલ હોય અને તેઓ લોકરક્ષક માટે પણ અરજી કરવા માંગતા હોય તો તેઓ એ અલગથી અરજી કરવાની રહેશે.

શારીરિક કસોટી બંનેની એકસાથે લેવામાં આવશે. લેખિત પરીક્ષા અલગ-અલગ લેવામાં આવશે. લોકરક્ષક ભરતીમાં લેખિત પરીક્ષાનો સમય ૨ કલાક છે. સો પ્રશ્નો, સો માર્કસ, બે કલાક.

LRDની 10459 જગ્યાઓ માટે ભરતી પ્રક્રિયા શરૂ

ભરતી બોર્ડના અધ્યક્ષ IPS હસમુખ પટેલે આ અંગે માહિતી આપી છે. ઉમેદવાર OJAS વેબસાઇટ પર ફોર્મ ભરી શકશે. LRDની 10459 જગ્યાઓ માટે ભરતી પ્રક્રિયા શરૂ કરી દેવાઈ છે. જેમાં 8476 પુરૂષ અને 1983 મહિલા ઉમેદવારો માટે ભરતી પ્રક્રિયા શરૂ થઇ ચૂકી છે. આજથી 9 નવેમ્બર સુધી ઉમેદવાર અરજી કરી શકશે. વેબસાઇટ https://ojas.gujarat.gov.in પર અરજી થઇ શકશે.

લોકરક્ષક ભરતી બોર્ડની વેબસાઇટ: http://lrdgujarat2021.in

ભરતી બોર્ડના ચેરમેન હસમુખ પટેલે કરી હતી અપીલ

ભરતી બોર્ડના ચેરમેન હસમુખ પટેલે કહ્યું હતું કે ભરતી પ્રક્રિયા પુરી પારદર્શિતા, પ્રામાણિકતાથી કરાશે. લાગવગની વાતો કરી પૈસા પડાવતા તત્વોથી સાવધ રહેવું. આવા લોકોની વાતચીતનું રેકોર્ડિંગ મોકલવા અપીલ કરી છે.

LRD recruitment PSI gujarat ગુજરાત લોકરક્ષક દળ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ