આ વખતે ઋતુએ પોતાની પેર્ટન બદલતા રાજયભરમાં મચ્છર જન્ય રોગચાળો વકર્યો છે એવામાં જાનમગરમાં ડોક્ટરનું ભણી રહેલા વિદ્યાર્થીઓ સાથે એક અનોખી ઘટના ઘટી હતી જે તેમના જીવનની કદાચ યાદગાર ઘટના અથવા દુર્ઘટના બનીને રહી જશે. ડેંગીએ ડોક્ટરોને પણ બક્ષ્યા ન હતા.
31 ડોક્ટર જ ડેંગીનો શિકાર
વિદ્યાર્થીઓએ હોસ્પિટલ બિછાનેથી આપી પરીક્ષા
MBBSના બીજા અને ત્રીજા વર્ષના વિદ્યાર્થીઓને પરીક્ષા જીવનભર યાદ રહેશે
જાનગરમાં એક અજીબો ગરીબ કેસ બન્યો. જામનગરમાં ઋતુ જન્ય અને દરિયાને કારણે પણ મચ્છરનો ત્રાસ છે એવામાં ડેંગીના મચ્છરને તો ડોક્ટર હોય કે પેશન્ટ હોય શું ફેર પડે એ નાતે ખુદ MBBSના વિદ્યાર્થીઓ પણ ડેંગીની ઝપેટમાં આવી ગયા હતા જેને પરિણામે ડેંગીનો શિકાર બનેલા MBBS ના વિદ્યાર્થીઓને હોસ્પિટલ બિછાનેથી પરીક્ષા આપવી પડી હતી.
જામનગરમાં ડેંગી પોઝિટીવ 7 તબીબી વિદ્યાર્થી જી.જી.હોસ્પિટલમાં ખાટલાં પર બાટલા સાથે પરીક્ષા આપી રહ્યા છે. આ વિદ્યાર્થીઓ માટે G.G. હોસ્પિટલમાં અલાયદો વોર્ડ શરૂ કરવામાં આવ્યો છે. ડેંગીની ઝપટમાં આવેલા MBBSના બીજા અને ત્રીજા વર્ષના વિદ્યાર્થીઓને પરીક્ષા જીવનભર યાદ રહેશે.
31 ડોક્ટર જ ડેંગીનો શિકાર
જામનગરમાં ડેંગીના રોગચાળાએ હદ વટાવી છે. G.G હોસ્પિટલમાં મેડિકલ કોલેજમાં અભ્યાસ કરતા અને હોસ્ટેલમાં રહેતા MBBSના વિદ્યાર્થી જ ડેંગીનો શિકાર બન્યા હતા. દર્દીઓની સારવાર કરતાં 31 તબીબી વિદ્યાર્થીઓને પણ ડેન્ગ્યુ પોઝિટીવનો રિપોર્ટ આવ્યો હતો.
7 વિદ્યાર્થીઓએ હોસ્પિટલ બિછાનેથી આપી પરીક્ષા
31 પૈકી MBBSના સેકન્ડ અને થર્ડ યરના 7 વિદ્યાર્થીઓ હજુ પણ હોસ્પિટલાઈઝ હતા. ત્યારે તેમના માટે હોસ્પિટલના બિછાનેથી પરીક્ષા આપવા માટે અનોખી રીત અપનાવવામાં આવી હતી.