મહામારી / 24 કલાકમાં નવા 1181 કેસ, મહાનગરો બાદ આ જિલ્લામાં છેલ્લા 3 દિવસમાં સૌથી વધુ દર્દીઓ સાજા થયા

• ભારતમાં કોરોના વાયરસના કેસ 70 લાખને પાર
• છેલ્લા 24 કલાકમાં 1,181 નવા કેસ
• રાજ્યમાં રિકવરી રેટ 87.28 ટકા થયો 

નોંધનીય છે કે, રાજ્યમાં છેલ્લા 24 કલાકમાં 51,250 કોરોનાના ટેસ્ટ કરવામાં આવ્યા જેમાંથી 1,181 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,51,596 પર પહોંચ્યો છે. મહત્વનું છે કે રાજ્યમાં રિકવરી રેટ 87.28 ટકા છે. 

આજે 1,413 દર્દીઓ થયાં સાજા

આજે 1,413 દર્દીઓ સાજા થતા કુલ સાજા થયેલા દર્દીઓનો આંકડો 1,32,310 પર પહોંચ્યો છે. આજે 09 દર્દીઓના મોત થતા કુલ મૃત્યુઆંક 3,569 પર પહોંચ્યો છે. જ્યારે એક્ટિવ કેસ 15,717 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. તો અત્યાર સુધીમાં રાજ્યમાં કુલ 50,12,705 ટેસ્ટ કરવામાં આવ્યા છે. મહાનગરો બાદ કચ્છ જિલ્લામાં સૌથી વધુ 156 દર્દીઓ સાજા થયા છે.

આ 5 જિલ્લામાં કુલ 09 દર્દીઓના મોત

આજે કોરોના વાયરસે 09 દર્દીઓનો ભોગ લીધો છે. જેમાં અમદાવાદમાં 4, સુરતમાં 3, રાજકોટમાં 1, વડોદરામાં 1 દર્દીનું સારવાર દરમિયાન મોત થયું  હતું.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 261, અમદાવાદમાં 189, રાજકોટમાં 123, વડોદરામાં 129 અને જામનગરમાં 98 કોરોનાના કેસ નોંધાયા છે. જોકે આ સાથે જ ઉત્તર ગુજરાતના મહેસાણા, સાબરકાંઠા અને બનાસકાંઠા જિલ્લામાં પણ કોરોનાનું સંક્રમણ વધી રહ્યું છે. જે ખરેખર ચિંતાજનક બાબત છે.

કચ્છમાં છેલ્લા 3 દિવસમાં 502 દર્દીઓ સાજા થયા

કચ્છ જિલ્લામાં આજે 156 દર્દીઓ, ગઇકાલે 181 દર્દીઓ અને 9 તારીખે 165 દર્દીઓ સાજા થયા છે. એટલે 3 દિવસની અંદર 502 દર્દીઓ સાજા થઇને ઘરે ગયા છે. જોકે 1 ઓક્ટોબરથી 8 ઓક્ટોબર સુધીમાં એકપણ દર્દીઓ સાજા નથી થયા.

રાજ્યમાં અત્યાર સુધીમાં નોંધાયેલા કોરોનાના કેસની જિલ્લાવાર વિગત