ખેતીવાડી / ગરીબોની કસ્તુરીનો વરસાદ : અહીં લાગી વાહનોની 8 કિમી. સુધી લાંબી કતારો

• ગોંડલ APMCમાં ડુંગળીની પુષ્કળ આવક
• ડુંગળી રાખવા યાર્ડની જગ્યા ઓછી પડી 
• 8 કિમી સુધી વાહનોની લાગી લાઇન

ગોંડલ માર્કેટયાર્ડ ( APMC ) માં ડુંગળી ની આવક ના પગલે ડુંગળી ( Onion ) રાખવા માટે ખાનગી પ્લોટ ભાડે રાખવો પડ્યો છે, ડુંગળી ની અઢળક આવક થઈ રહી છે લાલ ડુંગળી ( Red Onion )અને સફેદ ડુંગળી ( white Onion )ની 1.40 લાખ કટા ની આવક લાલ ડુંગળીની આવક 2500 કટા સફેદ ડુંગળીની આવકજોવા મળી. આસપાસ ના 4 જિલ્લા ના ખેડૂતો અહીં ડુંગળી વેચવા આવે છે અને તેવો ને ડુંગળી ના 150 થી 700 રૂપિયા ના સારા ભાવ મળી રહ્યા છે.

 
600 જેટલા વાહનો યાર્ડ બહાર લાઈનમાં ઉભા હતા

સૌરાષ્ટ્રનું અગ્રીમ ગણાતું ગોંડલ માર્કેટ યાર્ડ ડુંગળીની આવકથી છલકાયું હતું માર્કેટિંગ યાર્ડમાં ગઈકાલ રાતથી વાહનોની 7 થી 8 કિલોમીટર લાંબી લાઈનો લાગી ગઈ હતી. આશરે 1800 જેટલા વાહનોની લાંબી કતાર લાગી હતી. જે રાત્રીના 12 વાગ્યે આવક શરૂ કરતાં અંદાજે 1200 જેટલા વાહનો પ્રવેશ અપાયો હતો. આમ છતાં 600 જેટલા વાહનો યાર્ડ બહાર લાઈનમાં ઉભા હતા.

1.40 લાખ લાલ ડુંગળીના કટ્ટની આવક થઈ હતી

ગોંડલ માર્કેટિંગ યાર્ડમાં અંદાજે 1.40 લાખ લાલ ડુંગળીના કટ્ટની આવક થઈ હતી તેમજ સફેદ ડુંગળીના 25 હજાર કટ્ટાની આવક થવા પામી હતી. લાલ ડુંગળીના 20 કિલોના ભાવ રૂપિયા 150 - થી લઈને 700/- સુધીના ભાવ હરરાજીમાં બોલાયા હતા તો બીજી તરફ સફેદ ડુંગળીના 20 કિલોના ભાવ રૂપિયા 180/- થી લઈને 400/- સુધીના બોલાયા હતા. ત્યારે ખાનગી પ્લોટ પણ ભાડે રાખીને વધુ ડુંગળીના માલનો સમાવેશ કરાયો હતો.

ગયા વર્ષની સરખામણી એ 20 ટકા જેટલી વધુ આવક

ગોંડલ માર્કેટયાર્ડમાં સૌરાષ્ટ્ર ગુજરાત તેમજ અલગ અલગ 10 થી વધુ રાજ્યના વેપારીઓ ડુંગળી સહિતની જણસી ઓ ખરીદી માટે ગોંડલ માર્કેટયાર્ડ ખાતે આવતા હોઈ છે. ગોંડલ માર્કેટિંગ યાર્ડમાં જૂનાગઢ,અમરેલી,પોરબંદર સહિતના સૌરાષ્ટ્રના અનેક જિલ્લાઓમાંથી ખેડૂતો ડુંગળી વેચવા આવતા હોય છે. જેથી ગોંડલ માર્કેટિંગ યાર્ડમાં ડુંગળીની અધધધ આવક થઈ છે. ગયા વર્ષની સરખામણી એ 20 ટકા જેટલી આવક આ વર્ષે વધુ જોવા મળી છે.