મુખ્યમંત્રી વિજય રૂપાણી આજે દિલ્હીની મુલાકાતે જશે CM વિજય રૂપાણી પાંચ રાજ્યોનાં મુખ્યમંત્રીઓની યોજનારી બેઠકમાં ભાગ લેવા માટે આજે દિલ્હી પહોંચશે. આ બેઠક પ્રધાનમંત્રી નરેન્દ્ર મોદીની અધ્યક્ષતામાં યોજાશે. પાંચ રાજ્યોના મુખ્યમંત્રીઓની આ બેઠકમાં રાજભાષા મુદ્દે ચર્ચા વિચારણા કરવામાં આવશે.
પ્રધાનમંત્રી નરેન્દ્ર મોદીની અધ્યક્ષતામાં યોજાનારી આ બેઠકમાં લોકસભા 2019ની ચૂંટણીને લઇને પણ ચર્ચા થઇ શકે છે. મુખ્યમંત્રીની આ બેઠક બાદ પ્રધાનમંત્રી નરેન્દ્ર મોદી અને રાષ્ટ્રીય અધ્યક્ષ અમિત શાહ વચ્ચે પણ બેઠક યોજાઇ શકે તેવી શક્યતા છે. આ બેઠક પૂરી થયા પછી મુખ્યમંત્રી વિજય રૂપાણી બપોર બાદ કેબિનેટની બેઠકમાં ભાગ લેશે.
ઉલ્લેખનીય છે કે CM વિજય રૂપાણીની અધ્યક્ષતામાં આજે કેબિનેટની બેઠક મળશે. જેમાં હાર્દિક પટેલના અમરણાંત ઉપવાસ અંગે ચર્ચામાં કરવામાં આવશે એટલું જ નહી સાથે સાથે અનામત ખેડૂતોના દેવામાફી જેવા મુદ્દાઓની ચર્ચા પણ આ બેઠકમાં કરવમાં આવશે.
આ ઉપરાંત CM વિજય રૂપાણીની અધ્યક્ષતામાં યોજાનારી કેબિનેટ બેઠકમાં આગામી વાયબ્રન્ટ ગુજરાતની તૈયારીઓ અંગે બેઠકમાં ચર્ચા હાથ ધરાશે. જ્યારે રાજ્યના ઓછા વરસાદવાળા તાલુકાઓની વાવેતરની સ્થિત પર પણ સમીક્ષા કરવામાં આવી શકે છે અને આગામી વિધાનસભાના સત્રમાં રજૂ થનારા મુદ્દાઓની પણ ચર્ચા કરવામાં આવશે.