ગુજરાત / વધુ એક બેઠક પર કોંગ્રેસની મુશ્કેલી વધી, આ નેતા નારાજ થતાં નિષ્ક્રિય બન્યાં

• ડાંગ પેટાચૂંટણી પહેલા કોંગ્રેસમાં નારાજગી યથાવત 
• ટિકિટ ન મળતા ચંદર ગાવિત થયા નિષ્ક્રીય 
• કોંગ્રેસે ડાંગમાં સૂર્યકાન્ત ગાવિતને આપી છે ટિકિટ

ગુજરાતના છેવાડે અને મહારાષ્ટ્ર બોર્ડરને અડીને આવેલા ડાંગ જિલ્લામાં જાતીય સમીકરણો લાગુ પડતા નથી. સંપૂર્ણ બહુમત આદિવાસીઓ ઉમેદવારનું ભાવિ નક્કી કરતા હોય છે. જેના કારણે રાજકીય પક્ષો મતદારોને રીઝવવા માટે આદિવાસી સમાજના આગેવાને જ ખૂબ મહત્વ આપતા હોય છે. 

ગુજરાત પ્રદેશ કોંગ્રેસે સૂર્યકાન્ત ગાવીતનું નામ ડાંગ વિધાનસભામાં જાહેર કરતાં જ  કોંગ્રેસમાં ભૂકંપની સ્થિતિનું નિર્માણ થયું હતું. ચંદર ગાવીતનું નામ ફેવરિટ ગણાય રહ્યું હતું અને રાતો રાત નામ બદલાઈ જતા સમર્થકોમાં નારાજગી જોવા મળી હતી.  ત્યારે હાલમાં ટિકિટ ન મળતા ચંદર ગાવિત પેટાચૂંટણીને લઇને નિષ્ક્રિય થયા હોવાના અહેવાલ પ્રાપ્ત થયા છે. 

ઉલ્લેખનીય છે કે કોંગ્રેસે ડાંગમાં સૂર્યકાન્ત ગાવિતને ટિકિટ આપી છે. આમ નિષ્ણાંતોના મત મુજબ કોંગ્રેસ માટે ચંદર ગાવિત મુશ્કેલી ઉભી કરી શકે છે. ચંદર ગાવિત ડાંગ જિલ્લાનો પ્રચલિત ચહેરો છે.